مزاين تماني 6/2008
 

بسم الله الرحمن الرحيم

واسعد الله اوقاتكم بكل خير

سوف يقام بأذن الله في بداية شهر 6 ميلادي أي بعد شهر تقريباً

مزاين في منطقة تماني واشواطه حسب ماوصلني من مصدر شبه موثوق كالتالي :

حيران صيافا (بكار وقعدان)

حيران شتاوا (بكار وقعدان )

مفاريد (بكار وقعدان)

حقايق (بكار وقعدان)

لقايا بكار

المزاين خاص وربما يكون فيه اشواط عرض للضيوف

تحياتي للجميع

اللة يعطيك الف عافية

لاهنت يامبارك

وما ادري عن سبب اختيار توقيت الصيف لبعض المزاينات؟!؟

لكن يمكن تماني غير.

الله يوفق القائمين على المهرجان ويبيض وجيهم ويكثر من امثالهم

لاهنت يامبارك وبيض الله وجهك

التوقيت يا بومحمد مهم وضروري
وعن نفسي أعتبره تسويق مباشر

وتماني تعتبر موقع إستراتيجي لكثير من أهل الحلال الغالي من المرة
عشان كذا ( تماني غير )

مثال :
الشخص اللي ناوي يشتري ويبحث عن أبكار فاخرة ونخب أول
بدل ما يدور على أبكار للمزاينات القادمه من مكان إلى مكان
يجمعهم كلهم في مكان واحد وبكذا يتحرك السوق ويحصل بيع وأسوام طيبه
واللي يدور على الشيء المميز أكيد أنه بيلقى مطلوبه بإذن الله
ولا تنسى يا بومحمد المزاينات القوية عادة ماتكون في الشتاء
واللي وده يجهز لها لابد أن يتحرك من الآن وفي مثل هذه المزاينات

والحقيقة أن مثل هذه المزاينات تحسب للمرة
وهي ما تخفاك يا بومحمد

وجهة نظر خاصة

لا هنت يا مبارك وبيض الله وجهك

لاهنت يا مبارك وبيض الله وجهك
واعتقد ان التوقيت مهم
بنسبه لشرايه الصيف
ممتاز حتى يجهز للمزاينات
الكبيره مثل ام رقيبه
ودبي وابو طبي
وسمعت عن مزاين
في الشتاء القادم
في قطر
ويقال انه بحجم المزاينات
انفة الذكر
من حيث الجوائز
والتنظيم

لاهنت يا مبارك وبيض الله وجهك

مرحبا ومسهلا بالاخوان جميعاً

ومروركم جميعاً شرفني

وبمن ان ابو محمد استفسر عن كون مزاينات تماني دائماً في فترة الصيف وحط علامتين سؤال وعلامة تعجب.. اذاً لابد من الاجابة

هناك اكثر من سبب لذلك منها :

1- تبدأ الابل في هذه الفترة بحذف وبرها وبذلك يبرز جمالها اللي كان مخفيه الوبر وخصوصاً الراس والاذاني .

2- يعودون اهل الابل الى مكان المقيظ بعد رحلة بحث عن المراعي ويكثرون حول منطقة تماني كمورد للماء وبذلك تكثر اعداد المشاركين .

3- تكبر الحيران ويبرز جمالها لذلك يمكنها المشاركة في المزاينات .

وتقبلوا تحياتي للجميع

وافي يا مبارك وفيت وكفيت الله يبارك فيك

لا هنت يا مبارك وبيض الله وجهك

وبالنسبه لوقت المزاينات اللي تصير بالصيف

اكثر من يتاثر اهل الحلال اللي بيشاركون لان الوقت

حار عليهم والا البل ماعليها سوا كان المزاين بالشتاء والا بالحر

والعاده الطيبه اللي جرت ان الضيوف بيكون لهم اشواط

التوفيق ان شاالله للجميع

لاهنت يامبارك على التنويه
واناضد المزاينات في الصيف لاسباب
1-حرارة الطقس
2-الاجواءفي هذه الايام غبار وعجاج مما يفسد التمتع على المشاركين والزوائر
وهذه الاسباب للمهرجانت الكبيره التي تستقرق اكثر من ثلاثة ايام اما المزاينات المحليه المقتصره على اهل المنطقه والتي لاتستقرق اكثرمن يومين فلايضرهم ذلك لانهم لانه لاوجود للمشقه .
واهم شيء ان ولد حجاب يشارك في هذا المزاين حتى نزف لك الناموس يامبارك ان شاء الله .

لاهنت يامبارك وبيض الله وجهك


ـــــــــــــــــــــــــــــــــــــ

لا هنت يا مبارك وبيض الله وجهك
وطابت اعلومك

ملاحظه الموقع المزاين الفرداني شرقي تماني