|
ثديينها من حنان الصدر ترضعها جديدة هذه الليلة وتتحدّث عن نفسها رأيت تنزيلها هنا لمافيها من الوعظ والتذكير والنصح أستغفر الله عدد مارفـّت بروقه=وعداد وبل ٍ يهلّه صادق حقوقه وعداد حب ٍ يوفى الكيل في سوقه=وعداد مابين أراضيها وسابعها وأسألك يالله في دنياي تسترني=وأطلبك عفوك بقبري لاتعذبني وفي ظل عرشك نهار العرض تحشرني=ونفسي بعالي جنان الخلد ترفعها ويانفس توبي لربك وأحسني الطاعة=ولأوامر الشرع والمحبوب منصاعة لأجل إنها لك تجارة وأحسن بضاعة=تجارة ٍ مع أمين ٍ مايضيعها وأنصحك يامن طريق الحق خالفته=تتبع هوى النفس والمحذور والفته تمشي بظلام الخطا والحق قارفته=وأهل المعاصي تقدسها وتسمعها عوّد ترى الموت مايخبرك بقدومه=وقلبك على طاعة الله نشط عزومه طاعة وليّك لقلبك خير مطعومه=وأحرص على سنـّة المحبوب وأتبعها وترى رضا الله برضا اللي تلاقوبك=أبوك وأمك يومنك صغير بروبك أبوك يتعب عليك وكبّر جنوبك=وعيونه بغيبتك سالت مدامعها وأمك ترى حقـّها من بعد حق الله=ومن بعد حق النبي بشير خلق الله مافيه حق ٍ يساوي حقــّها لله=الحمل كره ٍ ووضعك كره وأوجعها ومن بعد وضعك عليك الليل سهرانه=تسهر على راحتك لو كان تعبانه ولشوفتك في سعادة دوم شفقانه=وثديينها من حنان الصدر ترضعها واليوم ضعفوا يبونك تلتفت فيهم=وماقدموا لك يبونك به تجازيهم وبطيّب الخلق والطاعة تراعيهم=تراهم أبواب جنـّة فاز طامعها وأحذر من اللي عن الطاعة يصدونك=أهل المعاصي تراهم مايودونك لكن مع دربهم والشر يبغونك=مراتع السو وأهل السو قاطعها وجالس هل الدين وأهل الطيب يحذونك=ولطيّب الفعل والناموس يهدونك اللي لياغبت عنهم مايسبونك=محبّة الله والناموس جمّعها وأختر نسيبك من اللي صيتهم عالي=يفخر به إبنك ليامن قال ذا خالي قرم ٍ يعدّل عدّوه كل مامالي=وعجفا رفيقه يسمنها ويرقعها حتى عيالك بطيب الفعل يشفونك=ومادمت حي ٍ على الدنيا يبرونك وأمرك عليهم قوام ٍ به يطيعونك=والضد عوجاه ماخلوك تبلعها وبنت الردي يالبيب الروح جنّبها=لوكان فيها جمال ٍ لاتصاحبها خسران ياللي كديش الخيل تركبها=ردية العزم والمنتوج قاطعها وحقوق عانيك حذرا لاتجاهلها=قم في حقوقه بليا نقص وأكملها وبنته مع الناس نومسها وجملها=والمخطية منك لاتطرق مسامعها وحجاجك لضيف بيتك فكّه وفلّه=وبادره بالطيب والترحيب والدلّه وأكرم جنابه مادام ببيتك وحلّه=دنياً بليا جميل ٍ ليش نجمعها والجار قم في رضاه وكمّل حقوقه=وأدمح خطا زلّته مع ضعف منطوقه وخلّك على أسرار بيته مثل صندوقه=وأحذر خطاياه تنبشها وتجمعها وخل منزلك دايم ٍ بالعالي النايف=منزال حُر ٍ على مطلوبك وكايف يحتار شانيك لوهو كاذب وزايف=وأهل الردى والخزا جنـّب مواقعها وصلوا على من بعثه الله وأختاره=مانشا علينا سحاب وهل مدراره وعداد من طاف بيت الله ومن زاره=على حبيب أمته أيضا وشافعها |
صح الله لسانك اخوي شجاع على القصيده المميزه الجميله ــــــــــــــــــــــــــــــــــــ |
صح لسان ناظمها وكاتبها النصيحه مطلوبه هل الايام بعض الناس لادين عن جميع الحقوق الي للرب العالمين والوالدين والجيران ونفسه الله المستعان بيض الله وجهك يالقرم |
صح لسانك يا شجاع بيض الله وجهك |
ويانفس توبي لربك وأحسنـي الطاعـة ولأوامر الشرع والمحبـوب منصاعـة صح الله لسانك يا شجاع وبيض الله وجهك على النصيحه والله لا يحرمك الأجر |
صح لسانك واشهد أنك شاعر ماشاء الله |
صح الله لسانك اخوي شجاع على القصيده المميزه الجميله |
اقتباس:
صح بدنك يامحمد تحياتي لكـ |
واليوم ضعفـوا يبونـك تلتفـت فيهـم وماقدموا لـك يبونـك بـه تجازيهـم وبطيّـب الخلـق والطاعـة تراعيهـم تراهـم أبـواب جنّـة فـاز طامعهـا صح لسانك وبيض الله وجهك على النصايح الطيبه والله يجزاك عنا خير الجزاء |
صح الله للسانك اخوي شجاع والله لايهينك على الكلام الطيب اللي كله من ذهب ولاعاد تغيب عن المنتدى ثاني مره اللي مثلك وشرواك مكسب لنا وللمنتدي نستفيد منه ويذكرنا و ان شاءالله لك الاجروثواب من الله والعلم الغانم |
صح لسانك يا شجاع بيض الله وجهك والله لا يحرمك الأجر |
صح لسانك وبيض الله وجهك على النصايح الطيبه والله يجزاك عنا خير الجزاء |
صح لسانك بيض الله وجهك على النصائح ووكفيت ووفيت ومن قبيله عريقة ولها ماض تليد في الشعر النبطي والدليل سعد بن جدلان ويقول لعل السحاب اللي تزبر ضحى واعصير ********** تضاحك مقاديمه وتبكي المواخيري مداهيل حمرن في الاباهروهن اتحير *********** جرامل جنيهيات ولا خواويري تلقا وردة المقطان كنها بنات ابعير *********** عراض المواطي ناسعات الزماميري وراح يقول وعمر القاري يطول |
صح الله لسانك اخوي شجاع على القصيده المميزه وبيض وجهك |
وبنت الردي يالبيـب الـروح جنّبهـا لوكـان فيهـا جمـال ٍ لاتصاحبـهـا خسران ياللي كديـش الخيـل تركبهـا رديـة العـزم والمنتـوج قاطعـهـا صح لسانك وبيض الله وجهك على النصايح الطيبه |
| الساعة الآن 22 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |