|
النخاله والشعير : eek: اخواني اعضاء منتدى مزاين السلام عليكم ورحمة الله وبركاته الاعلاف هذه الايام مابين مد وجزر بالعربي (لعبة تاجر )قرارات تصدر (ولاحولك احد)حسبي الله ونعم الوكيل اليوم في محافظة شقراء الشعير بـ31 بدل 18 حسب قرار الدعم النخاله بـ31 بدل 17 عند الصوامع الوافي بـ33 البرسيم 26 والغريب فالامر سعر النخاله وارتباطه بسعر الشعير ...... سابقا الشعير بـ47 والنخاله بـ47 والان نفس السعر ولم اجد حل لهذه التسعيره سوى توجيه السوال الى احد الاقتصاددددين :eek:فالبلد وياكثرهم فكان السبب هو ارتباط سعر الريال بالدولار وهذه مسأله اقتصاديه بحته قد يجهلها الكثير منا (اللهم زدنا في هالامور جهل ) وقد يدخل فيها بعض سياسات الدول والسبب النخاله:nothing:والشعير ولكن ياخواني نحن في رجاء الله ولسنا في رجاء احد لا تاجر ولا غيره (اللهم انت الغني ونحن الفقراء انزل علينا الغيث ولا تجعلنا من القانطين) دعواتكم |
ياخوي الشعير الان بـ 32 ريال والنخالة بـ 30 ريال البرسيم بـ 35 ريال والذرة القصب الحزم بـ 27 ريال واما الشعير فالحمدلله كان بـ50 ريال عندنا لكن البرسيم للان بس اهم شي الشعير والحمد والشكر كله لله عز وجل |
بيض الله وجهيكم على النقل وجهد تشكرون عليه وعسي القادم فيه الخير (اللهم انت الغني ونحن الفقراء انزل علينا الغيث ولا تجعلنا من القانطين) |
الله يجيب الخير والفرج من عنده سبحانه وانشالله كل شي بيرخص لسعره |
ياعبد الله بالعربي حنا يااهل البل ضحايا للمهايطية وهوامير البل والشريطية اصحاب الدعايات الى كلها دجل ............ يتسابقون على القنوات الفضائية وهات ياخرط ويانضم ...ويبثون بين الناس !! تسمع ...... باع فلان بكرة ب 5 مليون اشتراء فلان فحل بعشرة مليون ! والمصيبة يطلع الواحد في قناة فضائية ويدوج بمقدم البرنامج وسط البل ويقول البكرة الى تشوف 8 مليون وبنتها بمليون ... وخواتها من خمسة مليون ...وشريتها من فلان بسطعش مليون ...ووووو الخ الدجل والدعاية المزورة ...................... يااخي انا اعرف واحد طرح له موضوع هنا في المنتدى انها باع ابله ب 20 مليون ؟؟؟ وانا والله ناشده ورد على بضحكة قال ياولد انا نشبت في علفها ؟؟ يااخي بالله العظيم الشاب العاطل والاسرة المعدمة والمريض المحتاج عملية تحتاج مال !! بالله العظيم كيف يتعاطف مع اهل البل ..... بالله العظيم المسؤل كيف يشيل هم غلاء الاعلاف وهو يسمع بالارقام الفلكية وياليتها صدق !! بالله العظيم كيف الصحافة والاعلام يوقف مع اهل البل في غلاء العلاف !! يااخي مشكلة اهل البل في اهل دعاية الدجل الى نسمعها ونشوفها على القنوات كل يوم !! لاتنتظرون من احد يوقف معنا اتجاه غلاء الاعلاف وحنا نبيع الحاشي بمليون !! شكرا لك |
الاخ سامر الحربي شكرأ على مرورك |
الاخ محمد بن شريه يكفيني مرورك ولاهنت |
عبدالمحسن المقاطي مرحبا بك يابن العم |
عساف السبيعي المصايب ماجتنا الا بكذب الدجالين اللي هم شر" على البل وشر" علينا لكن الله بينجينا منهم ومن شرهم عام 1416 شرى واحد من الربع ناقه بـ15000 واخذنا شهر في كل ليله يجيبون طاريها وهالحين بـمليونين وثلاثه وخمسه وعشره وهاذي ما يجيبها الا ثنتين 1_ شغل فالمعدات 2_شغل فالمخدرات اشكرك على مرورك |
الله يغني العباد والبلاد من واسع فضلة ويعم بجوده بلاد المسلمين |
| الساعة الآن 30 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |