حبوب الدود
 

يا اخوان اسئل عن افضل استخدام للحبوب عندي ناقة تاكل ولا تسمن وناوي اعطيها حبوب الدود والسؤال كم حبة دود اعطيها بالاسبوع او الشهر

اخ مبارك انا عندي خلفة غالية بالحيل من فترة بداا سنامها يميل علي جنب وامس اكلها ردي وحليبها كان كثير والحين قليل ومافية رغوة وش تنصحني يا ذيب

الاخ مبارك ماقصر

لكن انا مجرب ابرة الجرب الامريكيه اسمها (( افميك)) 100% للدود

وسلامتكم

عليك بابرة الجرب الأمريكية وعلى ما أعتقد اسمها ( ديتوماكس )
باذن الله وحده بوحده على مايقال
وراح تشوف التحسن بحال الناقه خلال سبع أيام بحول الله
بس لازم تتأكد أن بلى الناقه دود ماهو شئ ثاني
وعسى الله يبارك لك وللجميع بالمال والحلال

يا إخوان عندي إستفسار عن حبوب الدود:

1- متى اقدر أشرب حليب الناقه إذا عطيتها الحبوب؟

2-هل الحبوب تضر القحات؟

3- ما هي انواع حبوب الدود وما هو افضلها؟

4- ما هي افضل طريقة لإتباعها في الحبوب؟

أرحب يا محمد

أول شيء وأنا أخوك
من الضروري أنك تعطيها أبرة هيام ( سيملرسان ) عدم وجود رغوة في الحليب وهذا دليل على أن الناقه من الممكن أن تتعرض للهيام أو أنها فعلاً مصابه به .. لذلك أول شيء تعطيها أبرة الهيام حتى لا يستفحل معها المرض.

وعقبها بـثلاث أيام عطها أبرة الجرب (دكتوماكس) جرعه أولى والجرعه الثانية من 12 إلى 14 يوم.

بالنسبة لحبوب الدود .. مالها داعي إذا أعطيتها أبرة الجرب
وإن حبيت تعطيها حبوب الدود ( ما راح يضر ).. ولكن بعد أسبوع من آخر جرعه من أبرة الجرب
بالنسبة لحبوب الدود .. أنا جربت طريقه جداً جيد ومفيده.

تعطي الناقه حبتين دود مركزه وبعدها بإسبوع تعطيها حبه وبعدها بإسبوع تعطيها حبتين
بمعنى أصح مثلاً الخميس الجاي تعطيها حبتين والخميس اللي بعده حبه وحده والخميس اللي بعده حبتين.
وأكرم الناقه وإن شاء الله راح تشوف ما يسرك.

ارحب يا وليد

1- ما أعتقد في أي ضرر .. والله أعلم.
2- نعم تضر اللقحات في الشهرين الأولى من لقاح الناقه وقبل الولادة .. ولا أنصح بإعطاء الناقه المعشر أي حبوب وإن كان ولا بد فعليه بإبرة الجرب (( الدكتوماكس .. الزرقاء )) ولكن بعد أن يثبت العشار. وأنا مجرب مع أكثر من ناقه ولله الحمد لا يوجد أي ضرر على اللقاح.

3- يوجد نوع من الحبوب (( مركز )) يجي القصديرة فيها 5 حبات. ولكن لا يحضرني أسمها حالياً. ولكن يكفي تقول للطبيب حبوب مركزه.

4- تعطي الناقه حبتين وبعد بسبعة أيام حبه وبعد بسبعة أيام حبتين .. هذا الطريقه أنا مجربها وهي مفيده أكثر من الطريقه العاديه.

سلام عليكم

اخواني يعني الابر ماتضر اللقاح الي لها سبع وثمان شهور اكيد

ولا

انا عندي نفس الحاله ولا ادري وش اسوي

ووش رايكم في الجاره لو احطها مع الماء يجي بياله

هل ينفعها ولا

الربع ماقصروا وانا مع ابرة الجرب والهيام
حيث يكفي ان تعطي ابرة الجرب للقضاء على جميع انواع الدود ولاتحتاج للحبوب

سلام عليكم

بس ياعيد الابر ماتضر اللقاح الي لها سبع او ثمان شهور

والله مدري انا متخوف مننها

جزاك الله خير يا فهد على هذه المعلومات الطيبة

سؤالي اخوي محمد وش طعام الناقة باالتفصيل

الله لا يهين الاخوان الي ردو على تسائلات الاخ محمد وكفيتو ووفيتو