|
حليبها واجد والان قل لاكثر من النص الاخوه الاعزاء السلام عليكم جميعا وصبحكم الله بالخير الموضوع ان عندي ناقة خفوت وضيرت عليها بكره وركبت وامورها ولله الحمد اكثر من زينه واول ما شرتها كان حليبها واجد وقبل فتره اعطيتها لقاح المالطيه وتركتها 21 يوم وبديت احلبها لكن حصلت حليبها قل اكثر من النص او اكثر سؤالي عسى الله يعطيكم طولة العمر على طاعته عن سبب نقص الحليب وهل من حل لذلك والشكر موصول للجميع |
أعتقد ان السبب هو الدواء اللذي اخذته الناقه |
اخوي عيد مشكور وبيض الله وجهك على الرد السريع ولا هي كثيرة على شرواك ولكن ما تتوقع ان عدم حلبها العشرين يوم له علاقه وماهو الحل برايك ولا يهونون الاخوان ومشكور مرة اخرى |
اخ ماجد نعم لعدم الحلب اسبابه ولكن بعد الطعام الجيد والعنايه سوف تعود لطبيعتها الحل فقط اطعمها جيدا وسوف ترى فقط اصبر عليها |
تسلم اخوي عيد وعز الله انك مكسب لنا قبل ماتكون مكسب للمنتدى |
ما على كلام ابو احمد زيادة ولكن اخوي ماجد هل الناقة اكلها زين.؟ وش طعامها؟ لبنها فيه رغوة؟ |
يا حيا الله ولد العم نعم يا ابو محمد اكلها زين واعلفها برسيم وحليبها فيه رغوه ومشكور على حرصك |
اخوي ماجد الربع ماعليهم زود ولكن بعض البل اذا ماانحلبت لمده طويله تغرز اي ينقطع لبنها وصعب انها ترجع لنفس المستوى من الحليب قبل تغرز. وشكرا |
بيض الله وجهك اخوي علي وانا لي فوق الاسبوع موصي الراعي يحلب منها خص عله يرد لها والحقيقه انهاهي بالذات تستاهل والا الحلال عندي غيرها عندي وعندك خير ومشكور على التجاوب |
| الساعة الآن 38 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |