المساعده لا هنتوا
 

السلام عليكم ورحمة الله وبركاتة

صبحكم الله بالخير جميع .. يسعدني والله أن أكون عضو معكم هنا في هذا الصرح الشامخ اللي ما أستطيع أن أقول إلا بيض الله وجه راعي الفكره ..

أخواني أنا عندي مفرودة تشتكي من وجع في منحرها .. إلى قامت تاخذ لها شوي تحبي على ركبها تبغي تقوم .. ثم تمشي لها شوي مبعدة يديها من الاخر .. بعده يزين مسيرها .. :)

اللي عنده فكره عن ذا المرض ولا يعرف علاجه لا يذخره علينا ..

تحيتي لكم

ارحب ياعلي
والله يحييك بين اخوانك هل البل وان شاء الله تفيد وتستفيد

ارجو ان تتأكد في بداية الامر من مفصل القدم الاماميه ويمكن ملاحظة ذلك عند لمس مفصل اليد بالضغط على المنطقه اذا كان البكره تشتكي منه ام لالان الاعراض اللي ذكرتها تطابق اعراض مانسميه الفضض ولامانع من غسل منحرها بالماء والملح وبانتظار ردك
تقبل تحياتي

أرحب يا حمد

لا هنت يالسنافي على ردك .. والله يجزاك خير ...

تحيتي لك

مرحبا يا عيد

في البدايه يعلم الله أن لك سمعه طيبه عند أهل الأبل بالذات وعند الناس جميع .. وجعلها الله في موازين حسناتك ..

أخوي بالنسبه لمفصل القدم الأماميه شفته اليوم مثل ماقلت ومافيه شئ .. وأتوقع أن مشكلتها من المنحر .. مدري قد مرّت عليك المشكله ذي ولا لا .. وأتمنى أني ما كثرت عليك .. :)

أخوك

اخي علي ارجو اعطاء البكره فيتامين اي سيلينيوم ابره او بودره مع كبسولات نحاس

مبارك

مرحبا والله ومسهلا .. ولا هنت يالسنافي ..

تحيتي لك

عيد

هلا والله وغلا .. ولا هنت يالسنافي .. بأجرب العلاج والله ينفع به إن شاء الله .. :)

تحيتي لك