|
فراج الهويّج السبيعي - شعلٍ لراعي العصا مهيب تنساقي السلام عليكم اخترت لكم هذه القصيدة للشاعر فراج بن مشرع الهويّج السبيعي والتي يصف فيها مدى حبه للإبل وسعادته برؤيتها حيث قال: نحمد الله سعدت بشوفة نياقي=عقب بطاها علي هي وراعيها أقولها من صميم القلب وأعماقي=وأحبها من محبة واحدٍ فيها شعلٍ لراعي العصا مهيب تنساقي=ساروحها ما عوّد يم تاليها ما ترتع ألا من البترا لصفاقي=ما ردها في طفاف السيف راعيها في ضف ربعٍ لامن لاح براقي=يرعون سحج العشاير في مشاهيها يرعون عشب الخطر مختلف الأوراقي=والروح تدبيرها في كف واليها يرعون زملوق نبتٍ جاله أعناقي=يوم الأنذال قاصرةٍ هقاويها ماهم حضرٍ تعدل الماء على الساقي=تلقى إيديها حفايا من مساحيها ودمتم سالمين |
صح الله لسانك يا خالد و لسان الشاعر فراج على هذه القصيده الرايعه واختيار جزل لقصيده جزله لاهنت ـ ـ ـ ـ وفي انتظار المزيد منك ومن اختياراتك ــ ـ ــ |
زاهر العرجاني مرحبا بك يا غالي وصح بدنك وشكرا على المرور الكريم تقبل اطيب تحية |
من ما يعشق الابل تحياتي لك يا خالد وصح لسان الشاعر فراج الهويج |
يا مرحبا بك يا فايز كل الشكر لتواصلك ودمت بخير أخوك |
صح لسانه ولاهان ولاهنت يا خالد |
يا مرحبا يا مبارك وألف شكر لمرورك الجميل تقبل أطيب تحية مغليك |
الاخ خالد الاالشعل لااحد يقربها |
يسلم راسك يابو وليد على هذه المشاركة الجزلة وننتظر مشاركاتك دائماً................ وتقبل أجمل تحياتي |
الغالي ناصر الجرباء ههههههههههه محد راح يقرب للشعل شكرا لحضورك يا بعدي اخوك |
مرحبا بك يا مبارك المري ورأسك سالم يا بعدي لاهنت على حضورك الطيب وتقبل خالص الود أخوك |
اخوي / خالد السبيعي لاهنت وبيض الله وجهك وتسلم يمينك على المنقول وصح السان الشاعر/فراج الهويج على هالقصيده الرايعه في الشعل وبنتظار المزيد من اختياراتك اخوك |
يا هلا وكل الغلا يا جاسم الجربوعي حضورك شرف طال عمرك دمت بخير وتقبل كل الود اخوك |
| الساعة الآن 10 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |