الناقة ورحمها(الله يعزكم)
 

السلام عليكم ورحمة الله وبركاته أخواني الاعضاء هذا اول موضوع اكتبه وابي نصيحتكم في موضوعي .(الله يكرمكم) رحم الناقه كنه نازل ولاادري ويش المشكلة وكلمت دكتور في الرياض علما اني من اهل الدمام وقال جوعها واكلها تبن (الله يعزكم)والناقه لقحه وقدهي مقرب..ولانستغني عن شوركم وارائكم واذا فيه احد مجرب علاج اوطريقة ونجحت معه لايبخل علينا بيض الله وجيهكم جميع ..وانا مرفق صوره للناقة من موخرها (الله يكرمكم)

http://www.9m.com/Download/36472977/99.html

http://www.9m.com/Download/29554377/88.html

أرحب يالعنبسي


فيما يظهر لي من الصورة ناقتك مافيها خلاف وهذا شئ طبيعي يحدث مع بعض الإبل عند قرب الولادة


تحياتي

الناقة اذا قربت بيوم ولا يومين ما تاكل الا شي بسيط يقويها

وناقك ما عليها وانا ما اشوف الموضوع له علاقة بالرحم..؟

شكرا لك وعلى اهتمامك بابلك

كيف حالك اخوي محمد

إذا ناقتك ماتسرح ( ما تطلع من الشبك )

خلها تسرح وتشوف التحسن فيها انشاء الله

هاذي حصلت مع واحد من الربع كان ابله في شبك

وخلاها تسرح يوميا وفقد انتفاخ الرحم

مع الاخ شجاع

اخوي محمد مساك اللة باالخير الناقة شاريها من قريب ولا من ابلك

تهدل المهبل وضع طبيعي عند قرب الولاده

تبقى وتسلم ياخوي شجاع وبيض الله وجهك .
اخواني منصور الوائلي ,محمد الراشد,خالد العرجاني ,حمد اليامي ,عيد المنصوري ...بيض الله وجيهكم وجمّل الله حالكم ,ولاهنتوا على الفايدة اللي افدتوني بها ..لأن هذي اول مرة اشوف الناقه بالطريقه هذي .وافدتوني لاهنتوا.
اخوي خالد العرجاني ..الناقة مشتريها من شهر ونص.

اخوي محمد الظاهر ناقتك من ابل السودان حيث ان ابل السودان حيا الناقة يكون كبير مثل ذاالشكل وناقتك مابها انشاء اللة اخلاف بس حاول انك تكون عندها اذا جت الولادة ولا يجرالراعي احوارها على طول يصبر عليها وسلامتك

تسلم ياخوي خالد,والله لايهينك.....
والناقة ماني بداري ويش اصلها لكن يمكن زي ماتفضلت انها من ابل السودان لأن الراعي السوداني قال ان هذا اللي فيها عادي ويروح بعد الولاده.