|
تجربتك مع العلف السلام عليكم ورحمه الله وبركاته اخواني الاعضاء حتى نعمم الفائده ارجوا منكم التعليق بتجربتكم مع الاعلاف كا أفضل علف استخدمته لبلك (( غير الشعير )) والعلف الاردئ وكل شئ تجده في هذا الموضوع من فوائد وأضرار أخوكم |
مرحبا اخوي فيصل وموضوع جميل انا استخدمت شعير مظغوط + اشوار + ومكعب واخيرها عندي (( المكعب )) اما بالنسبه للحشائش فهي درجات 1 - البرسيم 2 - الرودس 3 - الذره 4 - التبن وانا ما اطعم ابلي إلا برسيم + رودس + مكعب . وانا اشوف اردى علف الحين الشوار + التبن |
هلا وغلا يافيصل موضوع جميل ومفيد بالنسبه للعلف أطعم مكعب الوافي +الرودس للكبار للحشو المكعب +البرسيم بالنسبه لي اردى علف التبن ولي عوده لاحقا |
اخوي فيصل موضوع جميل بالنسبة لي انا اطعم ابلي الاتي :- 1- بالنسبة للخلفات الصباح تمر مع شوار بالمساء برسيم 2-بالنسبة للعشاير الصباح شوار فقط والمساء شوار وخبز وتمسي علي رودس بالنسبة للحشو مكعب وبرسيم وشكر لطرحك الموضوع |
مرحبا ياخوي فيصل موضوع جيد ولكن ودنا نعرف مدى التغير في الحلال من ناحيه السمنه ولو بنسبه تقريبيه اذا كان المالك يطعم بعلف معين وغيره بالنسبه لي فانا اتبعت التالي من طلوع سهيل ( الصفري ) الماضي عام 1427 يعني قبل 14 شهر بدئت بتعليف الابل 1) بشعير ونخال غداء ومكعب الوافي عشاء لمدة ( 4 ) شهور الى ان تعاشرت البل 2) في الربيع الماضي لم اقطع العلف ابدا واكتفيت بالمكعب عشاء بس ولمدة ( 3 ) شهور 3) بعدها بدئت بتعليف الابل بالنخال غداء والبرسيم عشاء ولمدة ( 6 ) شهور 4) والان اعلف فقط برسيم عشاء منذ شهر تقريبا وسوف استمر عليه ان شاء الله الى ان تتلاقح البل وتنفرج ازمة المركزات وضع البل : والحمد لله البل وضعها اكثر من زين اعتقد انه سمينه كمية الاعلاف : ليست كثيره وانما متنوعه واعمل بمبداءالتعليف المستمر ولو بقليل افضل من قطع العلف والرجوع اليه او التغيير المستمر في النوعيه كما اود التنويه باني استخدم شراب الدود للابل كافه جرعتين متتاليتين كل ست شهور واغير بالنوعيه كل فتره وتقبلوا تحياتي |
الشعيــر والشـوار و البرسـيم والشعير لا تقلله ولازوده ترى المطيه ماعاد ينفعهـأ الا شعيـر وـأنـأ ـأخوكـ . |
الصبح برسيم كمية قليلة والمسا برسيم وتبن (في وجه العدو) واندومي وبالنسبة للأندومي بديت فيه من 9 افرنجي وهو ممتاز جدا وخصوصا لحليب الخلفات و افضل من الخبز اللي يسبب البشمة وشكرا على الموضوع المفيد |
الاخ منصور ممكن اعرف وشو الاندومي ووين ينباع |
اخوي محمد الاندومي هو مثل هاللي ياكلونه الناس هالأيام مثل الشعيرية والمكرونة تلقاه بالدكاكين وهو شعير معقم ونظيف وانا اطعم البل والغنم منه وهو بدا ينتشر بالمنطة الغربية والحين صار يباع بالقصيم والرياض لكن كمياته قليلة |
العلف السلام عليكم جميعا الله وانا سائله يرخص الشعير وتربع القيعان التعليف فن ولا كل واحد يعرفه / مايعرفه الابدوي مرت عليه دهور اما اهل الحظائر والمزارع والمزاين فلا تقيسون على طعام ابلهم ابد. ولا تنسون نفسية الناقه وطربها، وسنعها وراعيها. يعني اذا انت بارضن مريه مسس وسنعك طيب وسرحة البل زينه وراعيها مبروك ويخاف الله فالقليل القليل من العلف يبين بسنامها والعكس صحيح. يعني لاصار ربيع لا تطعم لو العشب شوي واذا صيفت والجلوله طيبه عطها شوار واذا قيظت دور الرمث واخلط الشعير بالشوار وعط العشاير برسيم اما اذا انت حابسها بمزرعه والا شبك فسمحها بالمضغوط والرودس وقليلا من الأندومي مع الدبس والله يعينها على الذباب |
الاخ ذيب بدون شك ان الحبس للمطيه او اي حيوان كان (سم) على البهيمه ومن الافضل ان تطلق وتتحرك لكي تستفيد من الغذاء وتقوى بنيتها ولكن لدي تعليق على ما اوردت حيث: التعليف علم ودراسه وليس فن وتجربه فقط كما صورته في الدول المتخمه بالاعلاف الطبيعيه كا استراليا واسكتلندا على سبيل المثال لا الحصر برغم ما لديهم من مراعي خصبه ومتوافره على مدار العام الا انهم يعطون المكعبات في علائق الحيوانات ليلا ، فهل هذا يعني انهم لا يعرفون طرق التعليف !!! التعليف عموما يعتمد على نظرتك للمطيه وما تحب ان تراها عليه فهناك من يرى ان ارتفاع السنام هو السمن وهناك من يرى ان الناقه اذا كانت ماسكه عمرها ومتزنه من سنام وبدنه هو السمن ولكن الاكيد التعليف مهم بكل ايام العام سوى يوجد عشب او لا يوجد وقليل منه مستمر خير من قطعه واعادته مره ثانيه وبكميات كبيره كما يفعل بعض المربين ، لان البهيمه تحتاج وقت لكي تتاقلم على نوع العلف مرة اخرى . وتضل وجهة نظرك ونحترمها ونقدرها وتقبلوا تحياتي |
اطعم برسيم طوال اليوم الانه زين للحليب و(مكعب شعير) كل يومين ورودس وشوي خبز مع(مكعب شعير)عند العشاير واللقحات والحشو برسيم و(مكعب شعير) |
افضل الاعلاف البرسيم والخبز للخلفات واللقحات الذرة والخبز والحشو البرسيم والمكعب |
| الساعة الآن 48 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |