منتـديـات مــزايـن - كيف النشاما

[[poet font="Simplified Arabic,4,blue,normal,normal" bkcolor="transparent" bkimage="backgrounds/24.gif" border="none,4,gray" type=1 line=200% align=center use=ex length=0 char="" num="0,black" filter=""]
ياريف قلبـي للمساييـر قـم شـب=وسط المناره في طويـل الظلالـي
عقب تشعلها لجزل الحطـب جـب=وهات النجر واحضر جداد الدلالـي
ثلاث منهن راعي الكيـف يطـرب=وسوطهن ضمر والآخـر جلالـي
وبطونهن مخزن اسبوع عن الـرب=وجنوبهـن صفـرٍ تـلالا تلالـي
والرابعه من قامتٍ لونهـا اصهـب=حيـث انهـا لنـار ديـام تصالـي
لاجبت كل شروطهـا إلـي تطلـب=إجلـس عليهـن يازعيـم العيالـي
واحمس لنـا بريـةٍ حبهـا اشهـب=وبهارهـا هنـدي وماهـا زلالـي
واعرف تـرى قانونهـا مايخـرب=وان دارهـا ينقـى وماهـا يكالـي
تراه مايصلـح لهـا كـل مذهـب=ولاتقبـل الراضـه ولا الإعتجالـي
إليا حمست احرص على حمسة الحب=واعرف ترى الحمسه تبي وسع بالي
تاخذ على ادنى الجمر فتـره تقلـب=إلين العرق يطلـع سـواة اللوالـي
ومن يوم يطلع في المبرد لهـا كـب=إلين المدار ان كـان فيهـا يشالـي
وإليا خـذت مقـدار للنجـر قـرب=ودنه بصوتٍ يسمعـه كـل غالـي
دنـه وخلـه للمسايـيـر يـجـذب=لاقـام صوتـه للنشامـا يـلالـي
يوحونـه الجيـران لاقـام يقـلـب=ويجيك الأقصى والقصير الموالـي
وعقـب تـدق البـن لقـم وركـب=لين انها تسمح مـن الإجـد والـي
وقبل تبهرهـا عـن النـار تجـذب=وتركد شويه لين يصفـى الحثالـي
وبرويد في حدى المباهيـر تسكـب=من عقب غلا الهيـل فيهـا يهالـي
واعـرف إليـا بهرتهـا يالمشبـب=تراه يكفيهـا مـن النـار صالـي
ثم اجذها مـن يـوم بالهيـل تقلـب=ومن يوم تركـد صبهـا للرجالـي
حتى يجي الفنجال منها اليـا صـب=بين الشقار وبيـن لـون الشعالـي
اما اشقرٍ رايب مثل بـول الأرنـب=والا اشعـلٍ يشبـه لـدم الغزالـي
يطربلها من كـان للكيـف يشـرب=كيف النشاما إلي من العيـب خالـي
واعـرف تراهـا عـادةٍ ماتسيـب=ولاينتقدهـا إلا قصيـر الحبـالـي
احرص تخلـي عـادة الجـد والأب=ماهم عليه اول عليـه انـت تالـي
تـراك إلكـل المناسـب مـعـرب=مابيـن جيـران وعمـام وخوالـي
وابيـك عـن منهاجهـم ماتجنـب=ان سالفـت عنـك بنـات الليالـي

[/poet]

الشاعر/غازي بن عون