|
كيف نعرف المعشش من المعشر ؟ السلام عليكم ورحمة الله وبركاته .. كيف حالكم يالربع .. بغيت أسأل لاني سمعت ان فيه ناس يعرفون هل الناقة معشش او معشر بطرق اخرىا غير الطرق اللي نعرفها مثل ان الناقة تشاول و ترفع رقبتها والله يكرمكم تبول .. عندي ناقة تسوي كل هالاشياء وثاني يوم تقوم تهدر تقول انها فحل وتزبد واذا حديت البعير عليها ما تسوي شي واذا ضايقته مره عليها تقوم تشاول والله يكرمكم تبول ؟؟ السؤال > كيف نعرف ان الناقة معشش او معشر بطرق غير المذكوره ؟؟ سالمين .. |
بسم الله الرحمن الرحيم النياق تعلب مع بعض واتهدر وهي معشر ناقه اتعض الثانيه ولا يتطاردون الابل اما اذا كان تهدر وتبي اتضرب الابل فهاذي مهي معشر انت جرب وحد البعير عليها وضايقها وطقها على شان تبرك وان رغت ولا ابركت مهي معشر وان سوت مثل العاده فهاذي معشر ويمكن تعلب مع الابل من زود الفسقه الي فيها اتهدر اذا كنت مكرمها والاخوان ممكن يكون عندهم توضيح اكثر مني |
الاخ ماجد صباح الخيرات لا يعلم ما في الارحام الا الله سبحانه وتعالى وحده ومن قال غير ذلك فهو كاذب يا ماجد هناك مؤشرات فقط الانسان يستدل بها على العشار ولا يجزم بها فمنها مثلا: - الناقه تشاول وتركز راسها وتوزر - الناقه ماتنحاش من البعير وتهداء جدا - الناقه لا ترغي ولا تهدر ولا تعض البل - جلد الناقه المعشر او اللقحه يكون مرتخي وليس مشدود كا الحايل وهذا يتبين لك في مرحله متقدمه بعض الشيء من العشار - وهناك من يميز وبرة الناقه المعشر من الحايل وهم قليلون جدا ولا يمكن معرفة ذلك الا بالممارسه - وهناك ايضا من يقول المعشر تبين من عينها !! وهذي خرافه وليس لها اي مدلولات علميه اما الناقه المعشش فهي تشاول و تركز راسها و توزر ولكن تنحاش من البعير وترغي في بعض الاحيان ولو انه ليس دليل قاطع واضرب لك مثال على ذلك : كان عندي ناقه ترغي وتهدر وهي معشر ولا انقطعت عنها ها العاده الا بعد مرور اربعة اشهر على عشارها!! فكل ناقه لها وضعيتها المختلفه فهي كسائر الكائنات الحيه من البشر والحيوانات تقع تحت تاثير الخلل الهرموني المصاحب للقاح وانصحك بان تنتظر لين تعدي لها شهر او شهرين وتتاكد من عشارها او عدمه هذا والله الموفق |
كفيتو ووفيتو يالربع .. وعسىاكم على القوة .. لكم تحيـاتي .. |
كفى ووفوء الاخوان مع الاخ :عبدالرحمن عبدالعزيز |
يعطيك العافية ياعبدالرحمن كفيت وفيت واذ فية اضافة الاخوان مايقصرون لانه موضوع مهم في هذا الوقت . |
اقتباس:
الفحل أدرى بالناقه المعشر من المعشش |
تحيه الاخ ماجد وعليكم السلام ورحمة الله وبركاته اخي الفاضل المسأله بسيطه ولا يبغالها سؤال وابسط مما تتصور الذي يعرف بعد الله سبحانه وتعالى البعير. نعم البعير وحده فك البعير وخله يكرف الناقه وهو اعرف بالناقه المعشش والعشر تدري وش المشكله اللي واقع فيها كثير من اهل الابل اليوم انه ما يهدون الفحل ويخلون يكرف الابل ويضرب اللي يبغاه ولكن هم يختارون للفحل الناقه ويدخلونه عليها عشان يضربها ماهو صحيح يا اخوان الصحيح هد الفحل وهو اعرف بالناقه المجسر من المعشر ومن المعشش اخوك المزحمي |
ماقصروا الأخوان كفو وفو الله لايهينهم |
يعطييكم العافيه جمييع وبيض الله وجيهكم لاهنتووو شكراً |
| الساعة الآن 41 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |