توزر وتشاول كنها لقحه
 

السلام عليكم ورحمة الله

اخواني عندي ناقه فارد بنتها منها صارلي اكثر من 60 يوم علشان اضربها

وكل ماعرضتها على الفحل صارت توزر وتشاول كنها لقحه ولا ادري وش اسوي ولا وش مشكلتها

الناقه معشش

شف لك دكتور قريب وخله يخش عليها وينظفها
الناقه يمكن يكون عندها إلتهاب في المبايض أو الرحم والله أعلم
وإضافه على ذلك يمكن تكون تحتاج لتقطيع
وإن شاء الله ما قدامها إلا العافيه

الحاله عاديه بإذن الله
وتحصل كثير

الاخ فالح مساك اللة باالخير ناقتك ماهيب مجسر واصبر عليها لادخل البرد بتطلب الفحل وبتجسر وسلامتك

مع كلام الاخ خالد

الأخ فالح حياك الله


شف الناقة قرّب منها الفحل وحدّها عليه إن كانها أصرت على الشولان ولم ترغي فهي تلقح بشئ في الرحم إما دريّه ولا فيها وذم كبير 0

وإن كان الناقة رغت من البعير فهي مافيها شئ ولكن لم تيسر بعد وأصبر عليها لين يشتد البرد وترتد عافيتها بعد إلهجان حوارها لها 0


وعفاك والمارين من هنا

بسم الله الرحمن الرحيم

مع كلام الاخ خالد

من قال يتعافى يالشاعر
وانا اويد كلام شاعرنا المتميز شاعر مزاين
شجاع الاكلبي
وعسى الله يكتب لك الخير

بعض الركاب يغش في الابل يضربها في ليل ماله نجوم
تأكد ان الناقة ماحولها بعير اضربها وانت ماتدري قبل ماتهندس فيها. بعض الركاب يضرب وهو مربوط ولا مقيد.
وان كان انك متأكد ماحولها شي فدور دكتور بدو يدس عليها يمكن معها حميرا يقطع منها
ولك تحياتي

لا هنتو الله يعطيكم العافيه جميعاً