|
ناقة اتحير ؟؟!!! السلام عليكم ورحمة الله وبركاته , صبحكم الله بالخير , عندي استفسار بخصوص ناقة شريتها على انها مدني وكملت عندي الحين 7 شهور ولكن الناقة ما بين فيها شي حتى بطنها مثل ماهو ويظهر من رحمها (حياها)شي ابيض دايما الاقيه يابس على حياها والناقة دايما الحالها وتروح من الابل الحالها وشعرتها ماهيب زينة والله اني تحيرت خايف ان الي في بطنها حش لان الناقة شيفتها شيفة المعشر يعني تشاول لاقربها الفحل وتعقر افيدونا الله لاهانكم |
اذا علي كلامك شاريها من 7 شهور علي انها مدني ولا بين فيها شي للحين انا اقولك انهااا مهي لقحة ونسمع أراء الاخوان |
انا مع العنزي لان الناقه لزوم تبين ولكن للتأكد يجب ان يراها راعي ابل متمرس على الطبيعه او يدخل عليها طبيب للتأكد وترى مايضرها |
بسم الله الرحمن الرحيم هذي اول مشاركة لي فعلية بالمنتدى القيم واتمنى ان افيد واستفيد الاخ عبدالعزيز اناقه تقول انه لاجاه الفحل تشاول وانت شاريها مدني ، هذا ماهو بدليل لان بعض الشريطية اتعشر عنده الناقة ويقول القحة انا احصلة معي وشريت القحة وطلعة امعشر. اما البطن والمواري فهذا يختلف من ناقه الى اخرى وانا شفت ناقه عند واحد من الربع نفس ناقتك وقلتله اصبر عليها وبعد اسبوع جاه رجال وقاله اعقل الناقه للفحل وخله يضربها وفعل وبعد عشرة ايام وبقدر قادر الناقة اولدة احوارة صحتها طيبه. الناتج ان بعض البل لايبين لقاحها الا قبل لاتلد (تلبن) بسبوع او عشر ايام، والبعض اول ماتتم الشهرين نافخن بطنها وانا اقول والعلم عند الله انه الناقه القحة هذا اجتهاد والعلم عند الله والي اخبر مني تحياتي |
مساكم الله بالخير جميعا انا من وجهة نظري ان فترة سبعة اشهر كفيله بان يبين فيها لقاح الناقه واذا كان ان ناقتك مضى عليها سبعة اشهر ولابين على بطنها انها لقحه وتشاول فالظاهر ان ناقتك حافظتها قافله على عشش وهذا يلزمك ان تدخل عليها وتتاكد من العشش اللي برحمها ولكن انصحك بالانتظار مده من الشهر وحول للتاكد من لقاح الناقه ولاتدخل عليها حتى تتاكد من عدم لقاحها وللمعلوميه انا عندي ثنتين نفس حالة ناقتك ولاكن السائل الابيض اللذي يطلع من الرحم ماهو فيهن اخذن الناقتين يشاولن كانهن لقحات فترة ثمانية اشهر وجبت لي دكتور شعبي للابل وادخل عليهن وطلع من حافظة كل وحده قطعة لحمه بحجم اصبع الابهام واضربهن البعير مره اخرى والحمد لله الان على وشك يولدن هذا والله اعلم |
صبحكم الله بالخير جميع , الله لا يهينكم على التفاعل الطيب والردود الي تثلج الصدر الاخ محمد العنزي الله يكتب الي فيه خير وكل شي جايز واناخوك الاخ عيد المنصوري تسلم على الرد ياعيد لكن انا شكلي بنتظر كم من شهر واشوف لكن انا ماعرفت وشهو السائل الابيض الاخ جاسم والله ياخوك اني محتار وبنتظر عليها وشوف الاخ حوران والله ياخوك انها تحير وبنتظر وشوف واذا ما بينت شكلي بسوي الي سويته عالعموم الله لا هانكم جميع بس حبيت اسئل مافيه جهاز او شي يثبت اللقاح يعني يعرف اذا فيه جنين ولا لا |
[السلام عليكم الناقة إذا عشرت وصار لها اكثر من ستة أشــهــر يبين في رحمها ( حيــاهــا ) يصير مفتوح أعرضها على فحل غير فحلها وتر بعض الأبل ما تبرك الا لفحل من نفس فصيلتها |
بسم الله الرحن الرحيم انا مع كلام الاخ : جاسم وانا عندي ناقه ضامر وضعيف مثل ناقتك وفكرت بنفس تفكيرك وجاني واحد من الربع وقالي نقطع الشك باليقين انحد عليها الفحل وانضايق الناقه وان رغت او ابركت عرفنا انها معي لقحه فأنصحك اتحد البعير عليها واتضايق الناقه وشوف وفي بعض النياق ما يبين عليهم اللقاح مثل ما قال الاخ جاسم |
ارحب يابوحمد الله لا هانك يالغالي الناقة مايحتاج شيفة اللقحة واناخوك لكن عيت لاتبطن مثل مانت خابر المداني وخابرن بطنتها ويظهر منها شي ابيض والله انها حيرتني وشعرتها ماهيب زينة |
يالله حيه هلا يمحمد يعني اللقحة ما ترغي ولا هنت |
اللقحه والمعشر مستحيل ترغي من الفحل مهما كانت وانت رغت او ابركت فعرف انها مهي لقحه ولا بها لقاح ابد |
الاخ عبدالعزيز مساك اللة باالخير من طرف السايل الابيض الي يطلع من الناقة هذا وانا اخوك من العافية وشكلك مكرمها واذا طلع السايل الابيض الناقة بتردم شحم وسلامتك |
هلا يامحمد ولاهنت على المرور ارحب ياخالد وعز الله انك صدقت ايه والله الناقة مكرمها وبتردم شحم انشالله وبيض الله وجهك لكن الشعرة الي ماهيب زينة وش سنعها |
المرحب يحيا اخوي عبدالعزيز الشعرة الي مهيب زينة عندك الحمض يزيزن وبرتها ويزين خاطرها وسلامتك |
واذا ماعندي حمض ولاهوب حولي وش الحل ياخالد |
| الساعة الآن 00 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |