قبل أن نبدأ بعرض بعض الصور لمنقية الشيخ فلاح والحائزة
على المركز الثاني في فئة (50) وضح : نبدأ بقصيدة للشاعر
فلاح بن ناصر بن منصور الدعجاني مهداة للشيخ :
فلاح بن حشاش الدعجاني بمناسبة مشاركته
بمزاين (نوفا) والفوز بمركز
من المراكز المتقدمة ..

سلمان سلم لي على راعـي الـذود=وثـن السـلام وزد لربـعٍ كرامـي
اللي يشارك بالمحافـل وبـه فـود=فلاح ابن حشـاش خصـه سلامـي
سلم الرجال اللي بهم خيـر وسـدود=يرفع نبـا ربعـه بكـل احترامـي
تحيـة المخلـص تعاطيـر وورود=سرت على ريح النفـل والخزامـي
قل له تـرا بعـد التحيـة ومنشـود=لي كلمتن من دونها أزريت أنامـي
الاوله عـل الولـي يرحـم العـود=يوم انت من راسه رفيـع المقامـي
من جاب مثلك مافنـا دوم موجـود=مامات لو يفنـا البـدن والعظامـي
والثانية علمك علـى راس مشهـود=تزمي الى رام الزمـا كـل زامـي
جتني علومك جابها هامـس النـود=صفق لهـا قلبـي وغـرد وحامـي
بشرى وانا بالغربة اللي بهـا الكـود=عيدت لو مانـي بشهـر الصيامـي
ماهمني وقتـي ولا ايامـي السـود=همي ترا ربعـي هلـي والعمامـي
ربعي دعاجين ان بدا العلم مـرد=ودمثل النجـوم المرهفـة بالظلامـي
ربعي لهم عـادة ويرقـون بسنـود=هذي لهم عادة مـن الفيـن عامـي
ينبيك سجدي مع مناحي عن الـزود=وغايب وناصر بالسيوف الظوامـي
كانت مراجلنا على الخيـل بحشـود=نارد على الشوبـه ورود الحيامـي
تاريخ مابه زيـف ثابـت وموكـود=انشـد وياتيـك الخبـر بالتمـامـي
واليوم يوم الوقت بسهـود ومهـود=كـلاً مـلا بطنـه وعـود ونامـي
اليوم صار الطيـب بالمـال ونقـود=اللي ملا كيسـه وطـب الزحامـي
لاقام فرض ولا بعد خـاف منقـود=بالزيف يبني لـه بيـوت وخيامـي
يضرب بهرجه عرض جيلان وحيود=وان برقوا به صار راعي حمامـي
يابعد فرقه عن فتى الطيب والجـودا=للي عصب راسه وشـد الحزامـي
يقضي حياته بيـن بكـره ومفـرود=ياعنـك هـذي عــزةٍ للغـلامـي
سلمان لولاك أنت وافي وبـك زود=ماقلت خذ علمي ووصـل كلامـي