|
عاجل الله يرحم والديكم عندي ناقه انفطر ضرعها من ورى بين مواخرها وظهر منه الله يعزكم وصخ ودم حشيته (خيل او حلتيت) مثل ما يسميه البعض وخليته لين يومين وظهرته مره ثانيه وظهر معه وصخ بعد ورشيت ضرعها بماء وجره (سم) وسحبت شوي من الماء بابره بدون دبوسها وضغطه داخل الجرح وكل يوم نعصر الوصخ اللي فيه اليوم الصبح شقها الايمين مورم ورام قوي ماهو ليين اللي يعرف العلاج الله لا يهينكم يعجل علينا |
اخوي راشد اولا اعط الناقه ابرة مضاد التهاب وهي بدورها تسحب الورم نوع DEXAPHENYLARTHRITE ودور بودرة مضاد حيوي احش بها فتحة الورم اما بالنسبه لتنظيف مكان الجرح انكان حولك طبيب بيطري استدعه ويعطيك المنظفات المطلوبه ويطلع على حالة الناقه اما السم لا انصحك به بتاتا والخيل مضاد حيوي |
لاهنت يا عيد الابره كم سي سي اعطيها وين تضرب في اللحم ولا الجلد |
20يسي فاللحم لمدة ثلاث ايام تحياتي |
ارحب ياراشد عندي ناقه حصلها مثل ما حصل لناقتك وكانت ملدوغه في ضرعها ومورم وعطيتها ابرة ضد التسمم وجبت بيطري جراح وستأصل مكان اللدغه ولحين ابشرك انها طيبه |
لا هنتوا على الردود عطاني دكتور بيطري كحول احطه في قطن وانظف الجرح وبعد ما انظفه احط في قطن ايودين واخليه في الجرح لين اليوم اللي بعده واسوي نفس الطريقه بالنسبه للمضاد الحيوي عطينيها وخلصت الكورس بس ماهو نفس النوعيه اللي انت كتبتها وشرايك في طريقه تنظيف الجرح يا عيد ؟ مع ان الضرع اليوم بعد مورم اكثر من البارح |
اخوي راشد الضرع مورم لانه مصاب طريقة التنظيف جيده لكن المفروض من البيطري ان يعطيك الابره اللي ذكرناها او شبيه لها مضاده للالتهاب وتسحب الورم |
الدكتور عطاني ابره اسمها pen & strep بس انا اخاف الجرح يبرا من خارج الضرع ومن داخل يكون فيه التهابات |
استخدم الابره ياراشد واتكل على الله والامور طيبه |
| الساعة الآن 11 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |