|
البعير ما يلقح السلام عليكم ورحمة الله عندنا بعير ما يلقح , سنه الان رباع هل علاجه في الكوي او الابر او اصبر عليه لين يسدس وحبيت اسأل عن مرض السطح والفضخ ؟ وكيف يعرف هذا المرض من يفيدنا عن ذا الموضوع جزاه الله خير . |
رد: البعير ما يلقح ابا اسالك تنقد على ضرابة بشئ ولا يضرب زين اما السطح سببة ان البعير يضرب وبطنه كبير وعلامة السطح تشوفه اذا برك على الناقة يفحم بسرعه ويرجع ورى من شدة الالم ولا يضرب زين |
رد: البعير ما يلقح اضرابه زين ويسشمل بدون مساعدة ولا عليه أي ملاحظه |
رد: البعير ما يلقح طيب قلنا ويش العلاجات الا عطيتها للبعير .. ؟؟ عطيته حلبة في الماء .؟ عطيته دواء اسمه Minercal ?? عطيته سيلينيوم ؟؟ |
رد: البعير ما يلقح ما عطيته علاج ولا حلبه لكن ان شاءالله بعطيه خلطة وشوف رايكم فيها ( حلبه هندية مطحونة + شوي من حبة بركة , تخلط مع طحين وتعطى على شكل كور لمدة شهر صباح ومساء) وش رايكم بالكوي لانه يختصر الوقت لكنه حساس شوي؟ |
رد: البعير ما يلقح اعطيه حلبه في الماء واعطيه سليينيوم أيضا في الماء .. واعطيه Minercal وبعد 40 يوم من هل علاجات ضرب عليه وان شاء الله يلقح |
رد: البعير ما يلقح عطيته اليوم حلبه مه حبة البركة وسط عجين , مرة في الصباح ومره العصر وبيالة سيلينيوم الظهر . |
رد: البعير ما يلقح سمعت عن طبيب شعبي أسمه / مبارك الرشيدي ابو عايض هل هو فاهم في امراض الابل ..... من عنده خبر لايبخل علينا . |
رد: البعير ما يلقح السلام عليكم ود البعير للجامعه البيطريه اللي فالاحساء او القصيم وتغانم الوقت . يشخصون حالته ويعطونك النتيجه .. |
رد: البعير ما يلقح جزاك الله خير يا مشعل البرقاوي وين موقع المستشفى الي في القصيم ؟ |
رد: البعير ما يلقح قابلت واحد عنده نفس المشكلة , نقل بعيره الى مستشفى الاحساء لكن ما استفاد العير , حصل معالج في سعدعطاه علاج في كيس يحط في الماء , والنتيجة البعير لقح خمس وتوقف , وايضا ذكر لي وضفة ابرة الفياقرا لكن ادري عنها هل تنفع ؟ ودي اكويه لكني متردد . |
رد: البعير ما يلقح انزال مظلي يالملحي ؟!!! اكتب اعلانك في موضوع مستقل ’ |
رد: البعير ما يلقح السلام عليكم ورحمة الله وبركاته العلاج المجرب في اكثر من بعير نفس بعيرك لقاح نخل وعليك بالجديد مقدار ملعتين يوميا + حلبه مقدار ملعقتين اوثلاث لمدة اربعين يوم واحم البعير من الضراب والله يوفقنا واياكم لما يحب ويرضى |
رد: البعير ما يلقح ذكرتني بواحد من الجماعة كان عنده بعير طيب اصيل وسابق وبعد الركض حوله انتاج وصار البعير ما يلقح جاءه واحد قال له اعرضه للبيع وعرضه للبيع وما باعه بعدها عرض منه الحلال الحين صار البعير يلقح الحلال عنده ممكن يكون فيه نفس او عين اذا هو بعير طيب |
رد: البعير ما يلقح جزاكم الله خير والبعير طيب , سامه واحد قبل شهر ب35 ألف |
| الساعة الآن 28 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |