|
علف الأبل السلام عليكم و رحمة الله و بركاته . يا الربع عندي 60 متن و اعطيها 23 بلكة بين 10 برسيم و 13 ذره لكن احوال البال ماهي اللي بالخاطر تنصحوني اغير لعلف وافي؟ و للعلم الارض اللي حولي مافيها الا حمض بس و جزاكم الله خير ز |
رد: علف الأبل مرحبا عليك بشعير المجروش مجرب والله الموفق |
رد: علف الأبل الذره ماهي جيده للأبل انصحك بدلها بشعير افضلها للبل الشعير المضغوط ثم المجروش - ثم الشعير العادي كذلك البرسيم خل نصف الكميه برسيم والنصف الأخر تبن بوجه العدو مع الشعير بتشوف التغير بحلالك خصوصا اذا كان بمنطقه مريه وبها حمض |
رد: علف الأبل تقدر تغير الى شي احسن وانفع للبل انا سبق جربت مكعب مع شعير مجروش ممتاز جدا وراح يكون اوفر لك المجروش قيمة الكيس تقريبا ٣٤ اذا كانت ابلك تسرح فعلف خمس اكياس نصها شعير والنص الثاني مكعب تخلطها في المعالف لكن انا كنت انقع الشعير المجروش مدة ٥ ساعات تقريبا عقبها حلالي تغير وزان ولا تعلف حشائش اقطع الحشائش عن البل الا البرسيم للعشاير |
رد: علف الأبل الله يجزاكم خير . لكن يا اخوان من كلامكم اعلف فقط 10 بلكات برسيم 5 اكياس شعير مجروش . لكن افكر اعلف فقط بوافي 5 اكياس من غير برسيم لكن الربع قالوا ما ينتفع حلالك و يضمر |
رد: علف الأبل انا رأيي انك تقطع الحشائش عن البل الا العشائر وهذي كانت نصيحة من واحد جزاه الله خير كنت اعلف شعير وبرسيم قالي : اقطع البرسيم واشبعها شعير ثم بتخليه بالمعالف وصدق وارتحت وصار العلف اوفر تبي نصيحتي علف شعير مجروش ومكعب ولاهو لازم الوافي فيه بالسوق مرام قيمته دون الاربعين وصدقني ان ال ٥ اكياس تعشي حلالك اذا كانت تسرح واوفر لك |
رد: علف الأبل معقوله 5 اكياس شعير تكفي ؟؟؟؟؟ تبي تضمر البل يا الربع |
رد: علف الأبل السلام عليكم مع احترامي لكل رآي طرحوه الأخوان والله يا البل اللي ما تعطى برسيم ان تشوفها دون البرسيم بروتين يفيد البل ويزين وبرتها ولا تقطع البل منه واما بالنسبة للشعير اذا حصلك المضغوط تراك بتشوف في البل ما يسرك وسلامتك |
| الساعة الآن 30 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |