|
الانتاج من فحل باكستاني طيب السلام عليكم ورحمة الله وبركاته عيدكم مبارك مقدما وتقبل الله طاعتكم اخواني الاعزاء......... لقيت فحل باكستاني لونه اشعل وهو طيب من جميع النواحي خاصة الراس والظهر والطول وطرحه عليه ايا كان لون الناقه الحقيقه ان سعر الفحل مناسب ولكن سمعت من بعض الاخوان ان انتاج الفحل الباكستاني له عيوب كثيره !!! وحبيت اعرف وشهي عيوبه لصاحب ابل متوسطه وعاديه ولا له دخل بالمزاين .... وشوركم وهداية الله |
يا هلا يا الضيغمي من أبرز عيوب الابل الباكستانية والايرانية برودة القلب وعدم الولف الذي تمتاز به الابل العربية هذا اللي اعرفه وسلامتك |
بسم الله الرحمن الرحيم ماقصر الاخ ابو عبدالله لاكن الباكستاني ما يجي اشعل يجي احمر واصفر وازرق ويمتاز بالطول وعرض الجرم والباكستانيات يجون بطون على كثر ما اتعلف ما تشبع يعني فوق المعدل المعتاد وابل حليبها واجد وهديت حلب وقليل من الفحول يجي ولفه زين والاغلب يجون اكله (يعض البشر ) لان في باكستان يعملون حلبات لمصارعه البعارين ويقومون بالرهانات عليهم والباكستاني ما يدخل في المزاينات ولا المسابقات والرجال الي ما يبي مزاينات يضرب الباكستاني وإذا كنت راعي واسطه ................. |
اضف الى ذلك انها بطيه المشي |
الاخ خالد كفيت ووفيت ,,, وان كانت الباكستانيه بارده عز الله ماجنينا الا الخساره لان البل ولف وعجله ولا فلا ................... الاخ بن شريه ,,,, الفحل موجود بصفاة البل ولونه اشعل ووبرته معكرشه تقول من ابل الديره وطرحه شعل حسب كلام راعيه !!! بس راسه وجرمه بين عليه انه باكستاني ... واشكرك علي الرد الوافي الكافي ............. الاخ سلطان العجله بالبل من اهم مميزات ابل الديره........... تسلم علي الرد وبيض الله وجهك وانشاء الله اني بنزل صورته قريبا ..... |
الاخ الي يقول مافي الباكستانيات اشعل عندي جمل اشعل باكستاني استقدمته في شهر ربيع الاول عام 1430 يعني هالسنه وسبق وان سجلت رقم جوالي في المنتدى ولاكن لم ارفع صوره وصور نياق باكستانيات لانشغالي وسوف ارفع صورته ان شاء الله غدا بمشيئة لله والله يحي الجميع جوال رقم 0533378869 او رقم 0509560054 |
تمني تزويدك لنا بالصور وصور انتاجه |
رد: الانتاج من فحل باكستاني طيب هل ممكن استورد ابل من باكستان ماهي الاجراءت وكم الاسعار |
رد: الانتاج من فحل باكستاني طيب يا نواف فارق الباكستاني وبتعين خير تراه دمار للبل |
رد: الانتاج من فحل باكستاني طيب ان كان انتاجه طيب وغالي توكل على الله وخذ مني هالمعلومه (التهجين على ودنه) مثل مايقولون ربعنا الجداويه الكبار يهجنون ويقولون ماهو زين ياخوي اهم شي مواصفات الانتاج وبكم يمكن تبيعه لو خيروني بين فحلين واحد مأصل من الصوبين واطيب انتاجه يباع على 50الف وخذ هجيج وممشى والثاني باكستاني ولا حتى بنقالي وانتاجه يصل الى 100الف ويادوب تمشي فحيا الله الثاني وبقيمتها تقدر تبدل وتعدل ....اهم شي القيمه تقبل رأيي وتحياتي |
رد: الانتاج من فحل باكستاني طيب الموضوع من اربع سنوات :) .. مدى الرجال وصل للنتايج .. ولكن عموما رأيي من راي حاتم العماري .. |
رد: الانتاج من فحل باكستاني طيب ياخوي الناس تقول لاتقرب الباكستاني لكن لما تشوف إبل كثير من أصحاب المزاينات تلقى فيها سر باكستاني والله العالم.. وأنا من رايي تضرب ناقتين من نوقك ثم تحكم على الإنتاج واللي فيه الخير الله يدلك عليه إنشاء الله. تحياتي |
رد: الانتاج من فحل باكستاني طيب حسب علمي ان النياق الباكستانية ما هي نياق مفلى يعني نياق شبك فقط لان الممشى ينقص من وزن الناقة ويخليها تقول ماصورة |
| الساعة الآن 25 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |