لحمه بين خصيتين القعود ( أجلكم الله )
 

بسم الله الرحمن الرحبم ..

مساكم الله بالخير و تقبل الله من الجميع في هذه الأيام المباركه ..

و الموضوع يا أخوان مثل ما قريتوا في العنوان عندي قعود مفرود رايح حق و ظاهر بين خصيتينه الله يعزكم مثل اللحمه بحجم القراد و بارزه و السؤال ،

هل منها خوف ؟؟
و هل بمكن انها تكبر أو تلتهب في المستقبل ؟
و هل تستدعي تدخل بيطري ولا ماله داعي ؟


ولكم مني جزيل الشكر ..

رد: لحمه بين خصيتين القعود ( أجلكم الله )
 

السلام عليكم

هذا هذلول ولا يخوّف ولا عليه الاّ العافية

تحيتي

رد: لحمه بين خصيتين القعود ( أجلكم الله )
 

مثل ماتفضل اخوي شجاع

ماعليه ألا العافيه وخله لا تعبث فيه

رد: لحمه بين خصيتين القعود ( أجلكم الله )
 

و عليكم السلام و رحمة الله و بركاته ..


يا مرحبابك يا شجاع و لاهنت على سرعة التجاوب و جعلك ماتشوف مكروه في حالك وحلالك ..


و أرحب يا فايز و لاهنت طال عمرك جعل الشر يتعداك و الخير ما يتعداك ..