قعود عفر للبيع
 

السلام عليكم ورحمة الله
عندي قعود عفر للبيع سنه حق والقعود مولود في مراحي وامه من خيار البل وابوه قعود عفر شريته مفرود من وادي الدواسر واللي شريته منه يقول انه من عيال بعير فنجال الشيباني ولاازكيه الكم الله اعلم بقوله وقنيت القعود واضرب عندي جذع وكان طيب وبعته قبل لااشوف طرحه لان عندي اربعه بعارين غيره وجاله هالقعود وابي ابيعه وهذي صورته

http://www.m-otaibah.net/uploads/058a2ff354.jpg
http://www.m-otaibah.net/uploads/73813e3278.jpg

الله يبارك لك ويرزقك البيعه اللي تسمح خاطرك

والله يرزق الشراي من انتاجه

بس إذا ممكن أخي العزيز نشوف امه بصوره

وين محل القعود !!؟

وتقبل تحياتي ,,,

اخوي خالد لاهنت على المرور والله يعطيك الف عافيه
ان والله هالايام بعيد عن ديرتي ولاتحضرني اي صورة لام القعود لكن متى مارجعت بنزل صورتها
وبالنسبه للقعود في مدينة الطائف

اخوي حوران اسعد الله اوقاتك بكل خير .. القعود علي ب 13000 ريال وانا صامل

اخوي طراد حياك الله
سومة طيبه من وجه طيب
ولاهنت على المرور

اخوي حوران ووجهك اطيب بس ياليت تعلمنا اذا عليه سوممن قبل او حدك فيه ؟

اخوي طراد
القعود سيم مع بكره شقحاء طيبه عندي ومحد سامه لحاله ويمكن اللي سام البكره والقعود في خاطره تثمين القعود اكثر ويمكن العكس
اما سومه فرديه فهو لم يسام
يقول الرسول صلى الله عليه وسلم (من غشنا فليس منا) والنيه الطيبه يرزق راعيها
ولاهنت ياطراد
لك تحياتي

الله يربح البايع والشاري

وسومه طيبه من الاخ طراد

اخوي محمد
لاعدمتك

الله يربح البايع والشاري
والله ماعرفنا لك ياحوران راعي مغاتير ولا مجاهيم هههه
تقبل تحياتي
علي عبدالرحمن

اخوي علي
ابشرك ذودين مغاتير ومجاهيم وغلا البل عندي مايقارن به غلا
لا عدمتك وانا اخوك

مشاء الله تبارك الرحمن ,, والله يكتب اللي فيه خير للجميع ويربح الجميع ,,

اخوي جهز
اللهم آمين
لاعدمتك يالغالي

ماشاء الله تيارك الرحمن

اخوي حمد
لاعدمتك يالغالي