|
طرقه في يد البكرة بعد الشيل لمن لديه الخبره بكرة مفروده طيبه سليمه من جميع الامراض شلناها في دنه بعد نزلناها صارت تطرق بيدها هل يوجد لها علاج. وشكرن |
رد: طرقه في يد البكرة بعد الشيل هلا ابراهيم مساك الله بالخير اذا البكره لها اقل من شهر يمكن ينفع معها العلاج حسب الكلام اللي نسمعه انا والله ما جربت لكن اللي جربوا العلاج اشبكها طال عمرك في ارض صلبه وقيدها وعطها حبوب النحاس اخذها من البيطري لمدة شهر وبإذن الله تسلم ارجوا اني افدتك باللي اعرفه والله ينفع به ولا يمنع تشوف راي باقي الاعضاء يمكن احد جرب ويفيدك |
رد: طرقه في يد البكرة بعد الشيل صارت عندي مثل حالت بكرتك ومثل ماقال الاخ حمد اذا توها ينفع معها العلاج اهم شي انها مالها فتره فوق الشهر والعلاج طال عمرك قيد ضيق لدرجه انها تمشي بصعوبه وخل القيد فيها شهر كامل وابره (منر كال) للعصب كل يومين 6 سم لين تخلص الغرشه يومين لا والثالث تعطيها وان خلصت علاجها علمنا الي يصير معك وان مانفع فيه كويه لها وقليل الي تسلم من الطرقا بالكي |
رد: طرقه في يد البكرة بعد الشيل أعرف حالة نفس حالتك هذه وأخذها صاحبها للهاجري في الونان وكواها وشبكها لمدة شهر وأكثر وسلمت |
رد: طرقه في يد البكرة بعد الشيل جزاكم الله خير. ان شاءالله نجرب العلاج والله ينفعبه لنا لقاء باء ذن الله |
رد: طرقه في يد البكرة بعد الشيل ابشركم البكرة طابت من الطرقه قيدناها وحطيناها في ارض صلبه وعطيناها حبوب النحاس او فكلها الله وجزاكم الله خير |
| الساعة الآن 01 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |