|
الفزعه يا اهل الخبره السلام عليكم ورحمة الله وبركاته حصلتلي قعود اصفر طيب ابيه فحل لابلي وهي كلها صفر ابوه فحل اصفر طيب من ابل طيبه امه شقحاء مزيونه والسؤال هو : انتاج القعود احتمال يكون اشقح ؟؟ وكم ترشحون ان تكون نسبة ميلان انتاجه لامه ؟؟ علما بان القعود طالع علي ابوه من حيث اللون والمواري |
السلام عليكم والله يالضيغمي الانتاج ولونه هذا علمه عند رب العالمين ولكن اللي نعرفه ان الابل بها العرق دساس واحتمال ينتج الفحل على لون امه وارد واحتمال ظهور لونه وارد في انتاجه ومن الناحية العلمية هذي تبقى خاضعه للجينات الوراثية وكون صفة اللون سائدة أم متنحية بالقعود وبالناقة اللي يضربها وفي مثل هالحالة يلجأ علماء الوراثة الى عمل ما يسمى ب(جدول مندل الشطرنجي للاحتمالات) وهو طريقة مبسطة للوصول الى نسبة تقريبيه لظهور الصفة في الانتاج وفي مثل حالة قعودك تكون نسبة ظهور لونه الاصفر (3 إلى 1 ) بشرط ان تكون الناقة اللي يضربها صفراء مؤصلة يعني ابيها وامها صفر. ولكن تبقى هالدراسة نتايجها تقريبية وغير دقيقة كما انها لاتنفي ظهور الشقح في انتاج القعود والله أعلم |
تسلم يا المنتفجي علي الرد السريع والمعلومات الوافيه وانا في الحقيقه احترت والقعود عاجبني وطيب ولكن شقاح امه مع انها مزيونه رادني عنه شوي !! وبانتظار مشاركة باقي الاعضاء اصحاب الخبره في الانتاج |
بيض الله وجهك ياسليمان |
مع كلام الاخ سليمان وبيض الله وجهه ما قصر |
بيض الله وجيهكم برغم ان الاخ المنتفجي كفا ووفا في رده الا انني من حيرتي حبيت اسمع راي باقي الاخوان .......... والشكر موصول للاخ الهدفه ....... وانا متابع لكتاباتك ومشاركاتك لنفعها وخبرتك في البل والشكر بعد للاخ ابن شريه ...... والي انا متابع له ايضا لانه يشاطرني حب الشعل والصفر خاصة !! واتمنى منك ان تكمل موضوع فحول الصفر الي اهمل واصبح بعيد عن المشاركات اليوميه .. تقبلو تحياتي |
| الساعة الآن 57 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |