|
تنقيع الشعير يالربع, مالفوائد و المضار من تنقيع الشعير بالماء لمدة 4 ساعات للبل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟. |
رد: تنقيع الشعير انا انقع الشعير المجروش فالماء 7 ساعات وطلعه وخليه ساعه عشان ينشف وحطه للبل ونا اشوف انه احسن علف للبل وفائده التنقيع انه يلين حبة الشعير وان البل ماتاكل دمنها إلى نادرا وان الماء يغسل الشعير من الغبار الي فيه وسلامتك |
رد: تنقيع الشعير و انت سالم يا محمد.....الله يعطيك العافيه, وشكرا على المرور. |
رد: تنقيع الشعير تنقيع الشعير ممتاز جدا للبل ولكن يجب تنقيعه اكثر من اربع ساعات حتي تبان علي البل نتايج التنقيع واهم نتيجه ان حبه الشعير تلين فيسهل علي معده البعير امتصاص جميع فوايد الشعير ثانيا التنقيع ينظف الشعير ثالثا البل لا تاكل الدمن ابدا ربعا البل تسمن وتزين بسرعه جدا ... وهذا الكلام جربته انا والحمد لله نتيجه طيبه جدا... وسلامتك طال عمرك |
رد: تنقيع الشعير انا كنت انقع الشعير حب لكن تشوف دمن البل اعز الله من يقرأ مليان شعير ثم حولت على المجروش انقعه كم ساعة وانا انصح بالمجروش واذا نقعته يا سلام |
رد: تنقيع الشعير والله انا انقع والبل تاكل دمنها الى الان الله يكرمكم |
رد: تنقيع الشعير الله يعطيكم العافية على الردود النافعه, من تجربتي القصيره اتضح لي مايلي: 1- اذا نقعته في نفس الكيس يربي و يكون الكيس ضاغط على الشعير مما يودي الي فقد بعض مكونات حبة الشعير, لذالك وزعت الكيس في كيسين. 2- اقبال البل عليه بشده و هذا جعلني ازيد الكميه. 3- الدمن (اعزكم الله) لازال مشكله و بزياده. 4- في مدة 15 يوم.... تلاحظ البل تبني شحم. 5- و للاسف لم استطيع المواصله,,,,,المصروف زاد و العامل شانة اخلاقه. ملاحظة الاخوه المقتدرين و ابلهم في شبك يستمرفي التنقيع, اما الي في نجد و الجنوب الموضوع برمته مايخصهم...................و السلام. |
رد: تنقيع الشعير علف مجروش ودثه بالماء لاتنقعه لاضوت لمراحها حط مجروش وصب عليه شوي ماء واعجنه ممتاز جدا حتى دمنها معاد تاكله الا نااااادر |
رد: تنقيع الشعير المجروش هو الصح.........ولكن تجد المجروش وزن الكيس لا يزيد عن الثلاثتن كيلو و السعر 39ريال في الجنادريه........... |
رد: تنقيع الشعير اقتباس:
|
رد: تنقيع الشعير تنقيع الشعير مده طويله وتنشيفه يفقده الكثير من محتوياته ,لكن الافضل تنقيعه واعطاءه للابل وهومنقع في ماه .اما كون الابل ـاكل مخلفاتها فتلك مشكله دائمه بحيث حتى لو اطعمت الابل طعام ماتاكل دمنها بعده فأن الابل تأكل دمن الابل الاخرى عندما تسرح للدوجه , وتلك هي المشكله الكبرى ؟! |
رد: تنقيع الشعير السلام عليكم الشعير فيه كثير رمل اذا نقعته أكلته البل بترابه والرمل مع السواءل يروح للكلى ويسبب مشاكل والتهابات بالمسالك والمعروفه بالشويكه عند البدو اذا علفت بدون تنقيع أكلته وتركت التراب بالمعلف ولاحظو وبتشوفون اللي بينقع مفروض. يفك الشعير من الكيس ويغسله بشخال يسمح بنزول الرمل وبقاء الشعير وهذا متعب. والأفضل خلط الشعير مع المكعب نص بنص وهذا أفضل علف |
| الساعة الآن 53 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |