عسى الله يرزقني حواره على نوماس = جمل كاسبين الطيب فالماقف المشهود
هل السيف واهل الكيف والنجر والمحماس = وهل الفعل واهل الطايله والرجال اْشهود
عيال الكريم / الصادق / الوافي / النبراس = عسى روحه الجنات في سدرها المخضود
بعيرً بفضل الله ثم انتاجه اغنى ناس = ليا جاء الهداد الناس صفّت عليه اْحشود
فحل ساس /وانتاج /ومزايا /وراهي راس = عديم الوصايف /راهي اللحي/ فج عضود
عليه البكار الدعج عديمة الاجناس = من اقيامها تغني فقارى عرب وابدود
نوادر بكارً بالغلا فاقت الالماس = سعر وحدةً منهن بشيكً يضوّي ذود
تفك الغناه لناس وتقفّل الافلاس = بركةً من الخالق جليل العطا المعبود
ويانوماس دامك ملك كسّابة النوماس = تطيب المعاني والقصايد عليك تجود
وانا لاكتبت اكتب بصدق/وفكر / واحساس = اصب الجزال وهاجسي منبعً قرهود

صح لسانك
والله يرزق ما تمنا
ويستاهلون المدح عيال مبلش
الله يرحم شايبهم ويسكنه الجنه