|
الخبز اليابس السلام عليكم ورحمة الله وبركاته عندي 3 مجاهيم لقحات مايضرهن اذا عطيتهن خبز يابس ووش مقدار الي اعطيه لثلالث النياق علما بان ولادة اللقحات قريب حول شهر عشرة شاكرين ومقدرين |
الأخ مساعد مساك الله بالخير ومبارك عليك الشهر بالنسبة للخبز عطها بس احذر انه يكون لين أو معه فضلات لازم يكون ناشف وغير مكتوم او فيه رطوبه اما مقدار ثلاث من البل عطها ربع كيس وأقل يكفيها ان شاءالله بس لازم مايكون لوحده اذا هي ماتسرح ... أنا مجربه مايضر ان شاءالله |
مع خالد الحجي |
الاخ مساعد العتيبي السلام عليكم ورحمه الله وبركاته الخبز ياطويل العمر مايضر البل ومثل ماقال اخوي خالد الحجي ان يكون الخبز ناشف ولاتكثر على البل لانه يغثها وعلى المقدار انا افضل وهاذا رائي درامين سطل بويه وبيض الله وجهك ولاهنت |
هلا بالعتيبي ما يضر انشالله بس لا يكون به رطوبه يسهل بكونهن ولا يكون معفن والكمية ما ودي افتي شكرا |
الأخ مساعد لا تعطي الكثير من الخبز بشكل دائم وذلم لان زيادة الخبز والشعير والرز والتمر يؤدي الى حموضة في المعدة ويترتب عليها مشاكل هضمية وقد تصل الحموضة الى الدم وتتفاقم الأضرار |
مايضرهن انشالله والخبز زين لتطبيع البل وعطهم في البدايه اذا كنت ماتعطيهم من اول شي بسيط وكل يومين زيد فيه شوي لين توصل ربع الكيس او ثلثه ووثق على هالحد |
| الساعة الآن 26 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |