|
يالربع ، نبي المشاركة السلام عليكم ورحمة الله وبركاته أمسي عليكم واصبح بالخير يالربع وسؤالي ؟ الحوار عمرة عشرة ايام ومن يومين راسه مائل شوي وبدة رقبته تنعنج ( تتقوس ) ولا تكون عدال خصوصا اذا وقف ويبي الرضاعة وما يستطيع عطيته خافض حرارة ومضاد بعد إستشارة الطبيب وكأنه خفت الحالة نوعا ما لكن مازال مايرضع ، علما بأنه ولد ووضعة كان جيد يرضع ويمشي مع أمه لكن جته هالحالة وتغير ، ودنا نسمع منكم رعاكم الله وكفاكم شر الأمراض بالأولاد والحلال ، والسلام |
رد: يالربع ، نبي المشاركة فتش على الحوار في غاربه وفقاره اوراسه لا يكون فيه ( حليلمان او فيه ناس تسميه خمله والحق عليه تراها تذبح الحيران) |
رد: يالربع ، نبي المشاركة الخمله في غاربه تخليه يعكف راسه رشه بجاره 30 حط منها فنجال قهوه في سطل ورشه على جسمه كله الا راسه بتظهر مجرد تشم ريحة الجاره مثل الدبا بعدين رش المراح بجاره 60 بعد اسبوع رشه مره ثانيه او غير المراح او ادفنه الله يعينك |
رد: يالربع ، نبي المشاركة الإخوان شكر للمداخلة , لكن فتشتة العصر مالقيت به خملة ظاهرة وابعيد عليه ، لكن انا سمعت عن مرض الدوام او قريب من هذا الإسم مادري هو ذا او غيره والحوار رضاعته وسط لازم تمسكه الشطر ومادري وش الدبره الله ييسر الأمر ، ونسمع زود من الجماعة ومشكورين الجميع ،، |
| الساعة الآن 21 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |