بسم الله الرحمن الرحيم

هذة القصيد لشاعر : ساعد الألبد البلوي رحمه الله
القصه والقصيده كما قالها الشاعر
ملاحظة سأكتب ما قاله الشاعر *
قال أبناء الشاعر : تعال عندنا وعلى جال دلالك تستريح ومالك ومال الدنيا وعلى راحتك وفي محل طيب وصدقتهم ان فيه محل لدلال . احسب أن البيت فيه محل قهوة وماقد نار ويوم جيت إلا والله ما في إلا انهم مقلطين القوطي عند وجهي آثريها الثلاجة . ما عمري شفتها والانهم يدورون مدورها ويصبون منها والينها قهوة . وأنا بلشت فيها . المسها يوم لمستها والينها باردة احسبنها حاميه مثل الدله وعودت يوم أنى شفتها كرهت حتى القهوة ولاني لاسمع هاون ولا دله واسمع الصرصره واثريها طاحونة و لا والله ألهاون راح والدلال راحت . ولاني لقيت نمرة جديدة يعني ماتكيّفني مره وشفت معناها كله .اصبح الصبح ويوم الصبح إلا الرجال راحوا لدوام غير أنا بالغرفة لااغَدَي ولا اجي وطولوا علي وزعلت .لادوام امشي فيه من عرض الرجال أتلاها ولا مباع ومشترى وعودت آني زعلت ورحت للبر ..

قالوا تحضر وبيع لا تخـلي الشــاه *** ترى الحضارة رافضتن الي بغها

واجلس بغرفه قلت يا ناس ما قواها *** مقعد مهــانة والحضــارة بـلاهـا

لاعـــاد مالي راتبـاً واتـحــراه *** ولا بضـاعة في ربحـهـا ومشتـرهــا

قم سو فنجال ألآ سيق ما حـلاه *** واحرص عليها عن حرقها ونيهــا

زود لـهـا بالهـيل واقــصــر لـهـا *** مــا تـقـل بـلغـتها إلى زاد مـاهـــا

فنجال ما تعبت عليـه الهـوندا *** في مطـبخ الغـــرفة ودارت قـفـهــا

وسلت في ثلاجه عن الـنار معـفاه *** عـرقـوبهـا بـارد ومـدمــج غـطاهـــا

وراح الهوند الي ملالي املآلآه *** وبـدل بـطاحــون قـريـبـــا مـداهـــا

*قــالت الثلاجة زعلت:

ياشايب اسكت كب عنك المخزاه *** لاتـعـذر في الدعـوة تبـين خزاهــا

سبـيتـني يـاشـيـن ما تـتـقي الله *** لـي كـل الـناس شـافـو خطـاهــا

أنـا جـديدة بالـكراهب مـسـواه *** مـن وارد الــدولــة وكـلاً شــراهـــا

ألـي بغـى الشرّاب يلقى محمّاه *** مـالـه ومـال الـنار يـقرب سنـاهـــا

*قــال الشايب :

انـتي كما القوطي بوضعه وحلياه *** مـانتي قبول الـبـن والـي شراهـــا

وضعك على وضع القواطي مسواه *** و إن طبّت المجلس قلـيـلا حلاهـا

*قــالت الثلاجة:

نـقـدتني عملك إذا مت تـلـقاه *** نــقـدتـنـي تـنـقـيــدتـن مـاوراهـا

*قــال :

كلش ولا شفتك على النار مركاه *** وعيبـا على ألـي هرجته ماحماهـا

*قــالت :

حتى الطحونه الخبث نوستها *** ياحطيتهـا معـي وتجحد سناهـــا

*قــال:

مير الطاحونة مالها ساس تقواه *** على خـراب ويـوم يكثـر بلاهـــا

وراى شهر أن كانها بس مرخاه *** ويتطايحن ظروسها من جماهـــا
_________________