سؤال لاهل البل
 

االسلام عليكم ورحمة الله وبركاته
اخواني مابي اطول عليكم البعير الي امه ندلا يهد ولا مايهد انا الي اعرفه انه مايهد

ارررحب ياعلي

ومثل ماقلت ان ولد الندلا (البديا) مايهدونه البدو حتى ولوكان طيب لانه من اكبر العذاريب

وطبعا السر يلحق يعني الاحتمالية كبيرة لوجود هذا العذروب في انتاجه

ولكن عصرنا الحالي اختلفت فيه المقاييس وصار التركيز على الزين فقط

لاهنت وبيض الله وجهك

عندي انه ينهد

ولايعذربه ولا ينتقل لانتاجه

لان الامر ليس وراثي

وهذي مشاكل طبيه تحصل في الرحم واحيانا سببها التهابات

او ارتخاءات ولست متخصص حتى اخوض في التفاصيل

بسم الله الرحمن الرحيم

حياك الله يا اخ : على

سوف اذكر موضوع صغير ويسمحولي الاخوه

ذكرت من قبل في مواضيع انه عندي ناقه شقحه وامها اشعله
وضربنا الشقحه اوضح وجه قعود اوضح طيب وانهد في ابل وضح وجه انتاجه كله شعل
اجذبته جدته الشعله هذا من ناحيت اللون .
اما الشكل

فليس كل البعارين التي بالملايين كل انتاجها طيب ولاكن النسبه الطيب تكون اكثر من الردي او المتوسط

وبالنسبه للوراثه فأنا اخالف الاخ مسعود لانه ان جيت ابي اشتري قعود اول ما تسأل عن امه وخواته وتالي
انركز على القعود وجمالياته .

في بالمزاينات قعدان اشكالها شين او عادي ولاكن انتاجه ذهب معناه انه البعير انجذب من امه او ابوه .

اخي الكريم : ان بغيت تهده فتوكل على الله وان ما بغيت فالله يعوضك خير منه .

وراي انه ما ينهد لانه الوراثه موجوده في الابل .