يآهل المجاهيم كلًّ يحسب حسابه = جاكم عديمً فعوله من يناحيها ؟
للطيب عشّاقه , وللمجد طلاّبه = وابوفهد غالي الامجاد حاويها
حوّل على : شامخ الامجاد وأرسى به = راع النواميس حاضرها ومآضيها
جاكم بسود الجهام / وشرّف عتابه = نوادرً تبعد الهقوه غواليها
طوال الغوارب , عراض خدود , جذّابه = جلال العظا , أم الغلا , عسمً مواطيها
طفح اللحي , للوصوف النْدْر نهّابه = مثل الجبال الرواسي يوم احلّيها
آذانها حرآب , وأم سبال لعّابه = كْنْها تخيل السحايب في مماشيها
لـ اغلا الجوايز بحول الله كسّابه = على النواميس تربك من يماريها
شقابها شيخ قومً بآن مضرابه = من روس قومً بعيداتً هقاويها
حمود : جزل الفعول , ومحزم اللاّبه = ابن هليّل عشير الطيب , راعيها
حرًّ على الطايله ياقوّ مخلابه = من ساس قومً معرّبتن مجانيها
آلاد عاصم لنار الطيب شبّابه = قومً يهزّ الجبال الشمّ طاريها
يوم انها بالعزاوي حرب وانهابه = كم ذود شيخً خذوها من مفاليها
كسّابة البل بشلفً تقطع الجابه = وبارواحنا لا احتمى الميقاف نفديها
للطيب مدهل , وللقالات شرّابه = قومً على الأوّله تعرف عزاويها
من دون الاذواد , للارواح وهّابه = وكل القبايل لها تاريخ يغنيها
واليوم في ظلّ ابومتعب وباسبابه = تحققت غاية الأمه وامانيها
برعاية آميرنا الله يحفظ احبابه = مشعل جهوده حميداتً مساعيها
غيثً على الدار هلّ وفاضت اشعابه = اْفعوله المجد يكتبها ويرويها