|
تكفون يا اهل الابل ابي فزعتكم السلام عليكم ورحمة الله وبركاتة تكفون يا اهل الابل والجود ابي استشيركم عندي خلفه لها شهرين من يوم ولدت وحصلت فحل طيب هل يمكن انها تعشر اذا ضربها البعير ارجو الافاده من اهل الخبره بأسرع وقت لان الفحل وقت تواجده حولنا يومين |
رد: تكفون يا اهل الابل ابي فزعتكم الله يحييك بامكان الخلفه العشار بعد الولادة بعشرين يوم باذن الله مايضرها انشاء الله وبالتوفيق عطها تمر وهي باذن الله بتجسر من جديد |
رد: تكفون يا اهل الابل ابي فزعتكم لا لالا والله اعلم لان الناقه يبيلها 40 يوم لان تنظف ويصغر الرحم وتيسر يعني تطلب الفحل اما اذا ضربتها الفحل بعد يومين بكذا راح تضر الفحل لان يمكن يعمله الاتهاب ويمكن باقي فيه اوساخ من باقي الحوار والرحم ماهو نظيف ووروك الناقه باقي مارجعت الى محلها الطبيعي ويمكن يكسر وروكها يالحبيب الحل الوحيد تدورلك ظريبه لو تسلف على شان اهم شئ صحه الابل والفحول واجد والله يرزقك باللي يسرك وشكراً |
رد: تكفون يا اهل الابل ابي فزعتكم والله ياخوي مسفر اذا انت منت في حاجتها ولافي حاجة حليبها اضربها وهاذا يسمى كساب واعرف واحد سواها العام وعشرت وحده عنده اضربها ون شاءالله تعشر وعذرني على القصور |
رد: تكفون يا اهل الابل ابي فزعتكم اقتباس:
واللي معروف عند هل البل انا كسااب الناقه بعد ولدتها بـ 20 يوم يمدي رحمها نظف ولا عليه خلاف ولا على فحل انشاء الله كسبهاا يا مسفر وتوكل على الله والله يرزقكك با الانتااااج النااااااااااااادر |
رد: تكفون يا اهل الابل ابي فزعتكم ياجعل والديكم الجنة وفيتو وكفيتو وبيض الله وجيهكم يالوافين عيال الوافين |
| الساعة الآن 19 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |