هذه قصيده للشاعر الكبير / راضي فهد الربوض الشمري . رحمه الله

مسنده إلى الشاعر / فرحان فهيد الذرفي الشمري ،،، واليكم القصيده ،،،،،

البارحه يوم الكواكب تعله=بيض النجوم الساريات المسافير
انا سهرت الليل مانمت لله=بالعين يافرحان مثل المسامير
كله سبايب دعوةٍ داعي ٍ له = اجبت للداعي معزه وتقدير
يانطح الصدر الهبوب وزمن له=على ضمير ٍ يجرح العطف ويثير
بان وتغطى بأشقر ٍ يوم فله =ذيل العبيه في نهار المغاوير
مهرة عقيد وصيحت جارةٍ له=تنخى فهامه وين ستر المقاصير
مثل الخرز دمع النواظر تهله=تنثر عبايرها على الخد تنثير
عاف الحياة وباع عمره فدا ْله=وقامت توزع عن لقاه الطوابير
وبرد على عبرة عيون ٍ بكن له =جار ٍ جواره يذري الجار ويجير
الكل يشكي باللي جاري ٍ له=في دبرة الله والليالي مدابير
الجيب يافرحان يشكي ممله==مظلوم مع له واحدٍ جيب تصدير
تنكين واسبيرين مايصلحن له=من غير زحم ٍ للسنافي وتقصير
الطلعة القشرا ماهو رايح ٍ له=وش عاد لوركب سبير ٍ ورى سبير
التنك الآخر لا تعبيه خله=يكفيك واحد ما انت راعي مشاوير
يصلح لمطنوخ ٍ سرا الليل كله=يمشي لياما صفر التنك تصفير
مر المحطة غافل ٍ مافطن له=ماله جدا ألا قول ياكاتبة خير
حطه على التنك الآخر وتله=مع له طريق ٍ به طلوع وحدادير
ترس الدبل مافك من نمرةٍ له=يبرم ثلاث الروس بمسنن القير
توافقن مع دورته وطبقن له=بضروس تشبه من ضروس الخنازير
البرق يشعل والرعد مردف ٍ له=كبت بردها كبر روس العصافير
في جزرة ٍ ماطبه ألا هل ٍ له=هل البيوت مرفعات الكواسير
مايلطمون كمومهن بالأخله=سلم ٍ لهم مايخدر البيت تخدير
يجدع رواقه والعمد يرفعن له=ونار ٍ عليها والمات المباهير
من يوم يجي اللي واتين باينن له=من الراس مايحتاج دق المزامير
لو ماوجد كود النساء ينتبن له=ان صار في غيبة هل البيت تآخير
ماهن من اللي صورن بالمجله =بنات بدو ٍ من عفاف الغنادير
يضفن على الخصّر عبي ٍ واجله=ماقصرت ثوبه عن الساق تقصير