|
الخطله او الطرق او الحرده هل له علاج مفروده افرعوو بسم الله الرحمن الرحيم السلام عليكم ياشباب الله يكفيكم صواديف الامراض عندي مفروده هجة مع البل وجاها طررق او حرده مثل ماتبون الي يقدر يقول لي تكفوون وتراني جبت واحد كواها ونسم لها لكن ماصار شي وكل شي بيد الله سبحانه وتعالى |
رد: الخطله او الطرق او الحرده هل له علاج مفروده افرعوو فيه هاجري فالونان عالج بكره لواحد نفس بكرتك وكواها وسلمت ان بغيت رقمه راسلني |
رد: الخطله او الطرق او الحرده هل له علاج مفروده افرعوو أخوي جلال الله لا يريك ولا يري الجميع مكروه كم للبكره من يوم جتها الطرقه.؟ لا تتأخر عليها لا كوي ولا شئ جت عندنا في بكرتين العام مفرودة وحقه دخلن في حرث وجاهن طرقه ربطنا كل وحده بين العضيده والركبه بسبته وشديناها شد قوي جداً وعزلناهن في شبك لمدة شهر الحقه إضافة للربط قيدناها والمفروده تركناها بدون قيد , بعد شهر الحقه سلمت تماماً أما المفرودة بقى فيها طرقه خفيفه لذلك أستعجل أعصب عضيدتها في المنتصف او اعلى بقليل بسبته او جنيبه قويه وشدها بالحيل وقيدها واعزلها في شبك ضيق لمدة شهر وبأذن الله ماتشوف شر أستعجل لا تتأخر وعسى الله يسلمها |
رد: الخطله او الطرق او الحرده هل له علاج مفروده افرعوو ارحب اخوي جلال المعروف ان الحرد او مايسمى بالطرق لايوجد له اي علاج واضح وفالغالب أسبابه ان الابل تكون في مزرعه او شبك وتفك هجيج لايوجد له اي مضاعفات للحرد وابل كثيره من يومها بكار واليوم فطير والحرد معها اتمنى أني أفدتك |
رد: الخطله او الطرق او الحرده هل له علاج مفروده افرعوو هلا يا جلال الطرق ماله علاج واضح مثل ماقال ابو صالح لكن جرب القيد والشبك مع هالحاله اذا مانفعت ما ضرت ان شاء الله |
رد: الخطله او الطرق او الحرده هل له علاج مفروده افرعوو اخوي جلال اسمع نصيحة اخوك لا تسوي فيها شي خلها تراه مايضرها شوف وانا اخوك عندي مفروده ماخليت شي الا سويته قيد وفي الشبك ولانفع عقبها كويتها ولانفع خذ مني الكلام مالها علاج بين وان طعت شوري خلها ورقبتها خذ نصيحتي اخوك ابو شافي |
| الساعة الآن 38 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |