منتـديـات مــزايـن

منتـديـات مــزايـن (http://www.mzayan.com/vb/index.php)
-   عيادة مزاين البيطرية (http://www.mzayan.com/vb/forumdisplay.php?f=3)
-   -   يالربع عطونا الحل والدبرة (http://www.mzayan.com/vb/showthread.php?t=49589)

نواف البرقاوي العتيبي 01 / 09 / 2012 22 : 05 PM
يالربع عطونا الحل والدبرة
 
السلام عليكم ورحمة الله


يالربع عندي طوّل الله اعماركم على الطاعة ناقة جاها هيام وضعفت وشانت حتى وبرتها وعطيتها من هالابر لين قالت امين تأخذ وتخف ثم تعود على حالها وهالحين وش الدبرة يالربع ودي انها تسمن وش الطب فيها والطريقة وهي خلفة






لاتخلونا يالربع من اشواركم*******

ياسر الشيباني 01 / 09 / 2012 19 : 06 PM
رد: يالربع عطونا الحل والدبرة
 
الحل عطها ثوم على شكل دفعات وذلك كالتالي اول دفعة ثلاثين فصا تخلط في الخلاط ويضاف لها ملء قارورة البيبسي الكبيرة ماء وتو ضع في الثلاجة حتى تبرد جدا ثم تغر بها الناقة قبل الاكل وبعد اسبوع الدفعة الثانية اربعين فصا وبعد اسبوع الدفعة الثالثة خمسين فصا وهذه الطريقة انا مجربها شخصيا على ناقة فيها هيام وبرئت تماما باءذن الله،،

محمد سعود العتيبي 01 / 09 / 2012 48 : 10 PM
رد: يالربع عطونا الحل والدبرة
 
نواف اذا الناقه حوارها يرضعها

ماتسمن لو الشعير ناقع عندها

اذا فطمت الحوار وعشرت الناقه بتسمن ان شاء الله

يزيد العتيبي 01 / 09 / 2012 58 : 11 PM
رد: يالربع عطونا الحل والدبرة
 
مثل ماقال اخوي ياسر

تقبل مروري

خالد الحجي 02 / 09 / 2012 20 : 12 AM
رد: يالربع عطونا الحل والدبرة
 
بع حاشيها وبتشوف مايسرك واذا عشرت بتزين

مشبب بن حماد القحطاني 02 / 09 / 2012 11 : 01 AM
رد: يالربع عطونا الحل والدبرة
 
مثل ماقالوا الإخوان إفرد حوارها وبتزين

خالد الفالح 02 / 09 / 2012 43 : 02 AM
رد: يالربع عطونا الحل والدبرة
 
يقول فيها هيام وتقولون افرد حاشيها
الهيام علاجه شعبي وبيطري
الشعبي دلوك فوق
والبيطري ابره خليجيه ابرة هيام قيمتها حول 150 وعلى فكره بتطيب ولاكن يرجع الهيام لها بعد سنه
لذلك جرب الشعبي يمكن انه انفع
والله تعالى اعلم

بندر الرويلي 02 / 09 / 2012 35 : 07 AM
رد: يالربع عطونا الحل والدبرة
 
مدامك جربت العلاج الطبي ولا نفع جرب معها العلاج الشعبي اللي اذكره الأخ ياسر

فهد العضياني 02 / 09 / 2012 10 : 01 PM
رد: يالربع عطونا الحل والدبرة
 
عالجها عن الهيام وخلها مشمله على طول واترك لولدها رضعتين فقط وحده في الصباح ووحده في المساء واكرمها بالعلف وبتشوف حالها يتغير ان شاء الله

نواف البرقاوي العتيبي 02 / 09 / 2012 24 : 01 PM
رد: يالربع عطونا الحل والدبرة
 
الله يمسيكم بالخير ويبيض وجيهكم جميعاً


الناقة يالربع حتى اذا هجت مع الابل واخذت شوي تطيح وتاخذ شوي ماتقوم


وبالنسبة للحوار عمره الحين حول ستة اشهر ويرضعها من المغرب الى الفجر ثم تشمّل


وبالنسبة لعلاج اخوي ياسر ماتشوف ان ثلاثين دفعة وحده كثير خبرك الثوم حار ؟؟؟؟


وشااااااااااكر للجميع

مبارك السحيمي 02 / 09 / 2012 56 : 02 PM
رد: يالربع عطونا الحل والدبرة
 
اذا على كلامك يرضع من الفجر لين المغرب وين تبي الناقه تستعدل .. عقب مايرضع الصبح شملها الين المغرب وشهروتردم شحم ان شاء الله

نواف البرقاوي العتيبي 03 / 09 / 2012 32 : 09 AM
رد: يالربع عطونا الحل والدبرة
 
مبارك الله يعطيك العافية انا قلت يرضع من المغرب الى الفجر ثم تشمل



والبارح عطيت العامل الامر الصارم ماعاد يرضعه نهائياً هههههههههههه

ياسر الشيباني 03 / 09 / 2012 34 : 05 PM
رد: يالربع عطونا الحل والدبرة
 
يااخ نواف كمية الثوم جربته على غيرها من الابل وماضرها بالعكس قتل الدود والطفيليات التي هي سبب كل الامراض تقريبا وفتح شهية الابل للاكل وتعافت تماما

نواف البرقاوي العتيبي 04 / 09 / 2012 59 : 02 PM
رد: يالربع عطونا الحل والدبرة
 
بارك الله فيك ياياسر وبيض الله وجهك انت وباقي الاخوان



واذا هو يفتح الشهية فزين لان الناقة ماعاد تحرص على الشعير


الساعة الآن 29 : 01 PM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009