هنا كل مايخص مزاين الشيخ سعد القرنين
 

السـلام عليكـم ورحمـة الله وبركاتـه ,
أخواني الاعزاء ,
تحيـه محمّله بعطر الخزامـى والنفـل لاهبت نسانيس البراد ,
كمـا هو موضـح في العنـوان , والكتاب من عنوانه ,
نريد المشاركـه منكـم جميعاً في هذا الموضـوع ,
وموافاتنـا با أخبـار مزايـن القرنيـن وجمعها تحت سقف هذا الموضـوع ,
ولذلك لعـدم تشتت أخبار المزاين والبحث عنها في كل قسـم , وخدمةً لإخوانكم الذين لايستطيعون حضور المزاين ,
ومتابعةً لهذا المزايـن الضخـم الذي خدم وسيخدم ملاّك الأبل جميعاً ,
هنا كل مايخص المزاين من تغطيات أحداث أخبار ملاك الابل الصفقات والبيع والمشترى وحركة السوق ,
والمشاركين , وجميع مايخص هذا المزايـن ,

..
..

اتمنى التفاعل ,
شاكر ومقدر للجميـع جهودهم ومشاركاتهم ,

رد: هنا كل مايخص مزاين الشيخ سعد القرنين
 

رد: هنا كل مايخص مزاين الشيخ سعد القرنين
 

وين موقع المزاين يالربع وصفوه لنا بارك الله فيكم ومتى يبدأ ؟

رد: هنا كل مايخص مزاين الشيخ سعد القرنين
 

رد: هنا كل مايخص مزاين الشيخ سعد القرنين
 

رد: هنا كل مايخص مزاين الشيخ سعد القرنين
 

لاهنت يابوعبدالله
الله يعين القائمين على المزاين
الصراحه جهود جباره حسب ماسمعنا وتنظيم جيد ,
وان شاء الله تيسر الامور وترجع المياه إلى مجاريها

رد: هنا كل مايخص مزاين الشيخ سعد القرنين
 

رد: هنا كل مايخص مزاين الشيخ سعد القرنين
 

اما بالنسبه للجوائز ..

1 () نخبة النخبه $$ راس تريله $$
2 () المركز الاول $$ سيارات من نوع جيب $$
والمراكز المتبقيه لها 30 سيارة متنوعه ()
والله الموفق !

رد: هنا كل مايخص مزاين الشيخ سعد القرنين
 

مشكور يامشعل على الخبر الطيب
واول ماشوف بعد الاجازه المزاينا بس حددوا مكانه

رد: هنا كل مايخص مزاين الشيخ سعد القرنين
 

خلصت الشقح لها اسبوع وبدت الوضح اليوم ثالث لها النتيجه الخميس وكل لون له اسبوع وباقي في دقله
والامر مثل امر هل برمه انه يزيل الشبوك بعد المزاين شي طبيعي اليوم اشوفكم هناك ياهل المغاتير

رد: هنا كل مايخص مزاين الشيخ سعد القرنين
 

نخبة النخبة جايزتها مليووون يابوحمد

رد: هنا كل مايخص مزاين الشيخ سعد القرنين
 

يالربع فيدونا عن المزاين هذا مزاين ولا سوالف
ولا جهه إعلانية اعلنت عن التفاصيل والشروط
شي عجيب ولا ادري مالسبب؟
وهل المزاين فردي ولا جمل
افيدونا وشكرا

رد: هنا كل مايخص مزاين الشيخ سعد القرنين
 

هذا مفروض اسمه مزاين لكن للاسف خاب الظن جلبنا حلالنا وحطينا شبوكنا ويوم قعدنا ثلاث ليالي قالوا ترى بيلغون المزاين وبيشدون!!!!
عموما هذا مهو مزاين هذا ضحك على الناس اشتغل كم يوم ووقف وامس انا عند شبكي هناك يقولون جاهم امر يزيلون المزاين وخذ اشاعات ناس شالت شبوكها وناس قالت اصبروا وناس قالت بيشدون عند كبري دنانة وناس روضة الخفس وخذ كلام ماله اخر
وقتها قلت ياولد لاتسمع كلام الناس رح بعينك وشف وجيتهم امس الصبح ودخلت المزاين مافيه ولا عامل تكلمه!!! وين اهل اللجنة وين المنظمين؟ ولا احد تلقاه يرد عليك ويوم اني انتظرت طلع رجال من داخل يقول انا مشارك في مزاين الشقح وجاي اسحب مطيتي ترى الربع جاهم امر يشدون وقتها رجعت لحلالي ولقيت جاري شد ومشا لدنانه
تركتهم الى اليوم انتظر العلوم ونشدت الصبي من شوي قالي ترى الناس نصهم شدوا والدنات تحمل راجعه ناس رجعت للجنادرية وناس رجعت للرياض وناس راحت ام رقيبة
اما اخونا اللي يقول اليوم تبدا الوضح فمادري هذا علم جاه ولا شاف بعينه الوكاد ان نص الجلابه شدوا اليوم الصبح وشبوك المزاين مافيها ولا ناقة ولابه وضح ولا غيره والغريبة تدخل قناة الاماكن الشريط يزيد ويعيد في المزاين ويعرض الجوائز وهم ماعندهم الا الكلام اللي مايفيد
عموما حنا يومين ثلاثة وبنشد يم ام رقيبة ومانقول الا الله يعوضنا عن خسايرنا والخيره فيما اختاره الله وحسبي الله ونعم الوكيل على من علقنا وخسرنا في هالمزاين اللي ماشفنا من وراه الا الكلام وسوء الترتيب والارض الريغة

رد: هنا كل مايخص مزاين الشيخ سعد القرنين
 

رد: هنا كل مايخص مزاين الشيخ سعد القرنين
 

المصدر جوال فرديات قناة الاماكن
اعلنت اللجنة المنظمه لمسابقة فرديات الابل في دورتها الاولى على انه قد تم نقل موقع المسابقه من مركز دقله الى مثلث الطوقي والذي سيستضيف هذا الحدث الذي يترقبه الجميع
تمنياتنا للجميع بالتوفيق
هذا يا الربع نص الرساله اللي وصلتني بالحرف الواحد