|
استفسار السلام عليكم الحمد لله اللي رزقنا وياكم اللحاق بالعشر الاواخر وجعلنا وياكم ان شاء الله من عتقائه يااخوان انا حصلت عندي حاله في وحده من العشاير جاها بلى اليوم بعد العصر ماعاد قامت ولاتاكل ولاتشرب ولها مثل النفضه ينتفض راسها ووجها كاش ومهادلها مرتخيه ويصب ماء من ثمها المهم ان هاذي اعراض الطير بس ابي اشرح لكم وش حصل ضربتها بابره للطير اللي هي ب 1 مع ب 6 وعلاج ثاني وعسى الله يكتب لنا فيها خير ان كانت من حظنا المهم انا سؤالي انا عطيت البل فيتامينات نصحني بها واحد تجي في كيس ازرق مضغوط قيمتها 165 حطيته لها خمس ايام على كلام الصيدلي ووقفته السبت اللي طاف اخر جرعه كانت واليوم تصاب المطيه بذا المرض الفيتامينات يقول شامله لكل شي ومفيده وماادري وش المهم انتو وش رايكم ؟؟؟ |
رد: استفسار كل عام وانت بخير يابو محمد الله يشفي ناقتك ويبارك لك في امهاتها بالنسبه للفيتامين اللي يقولون شامل والله اني استخدمته العام وبعد اسبوع والله اني ساحب لي لقحه وبكره حقه والابل المعاشير فيخت كلها ولكن الناقه اللقحه والبكره الحقه اللي ماتن اعراضهن تختلف عن الاعراااض اللي ذكرتها واقول ان شاء ان ناقة تسلم وان راحت فاديتن راسك يابو محمد |
رد: استفسار يفداك اللاش ياابن مشرف وماراح من المال فادي روس اهله والله يكتب لنا ولك اللي فيه خير وصالح ولاهنت على المرور والله يعوضك باخير منها ان شاء الله في اماتها |
رد: استفسار خبر جديد الرجال اللي نصحني بالفيتامينات بعد مااستخدمها ماتت عنده ناقه ومرضها طير ايضا" يعني الى الان ثلاثه انا ورفيقي وابن مشرف!!!! الله لايوفقهم ان كانها منهم هل ذا الشركه |
رد: استفسار ارحب يا سالم اسأل الله ان لا يخسرك وان يشفيها الحاله غريبة واعتقد بأنه عارض ولو الفيتامينات فيها مشكله كان صارت في كل البل يمكنك الاستفاده يا بو محمد من استضافه الدكتور حكم في هذا الموضوع |
رد: استفسار والله يااخوي بندر انا قلت كذا بس يوم سولفت مع الرجال وقال في 80 ناقه جات حاله وحده بعد تقطع الاستغراب وانا اخوك ولا خلا ولاعدم والله لايخسرنا ولا يخسركم ولا كل مسلم |
رد: استفسار يا اخوان محد كثرى يعتنى بالبل خاصة الفيتامينات والسنة ماتن 2 والعام ماتن2 والعلم عند الله ان الفيتامينات معرضة للشمس او تالفة ويبوعون علينا يغيرون التاريخ واللى كيف اعطى فيتامينات وما ينفع بالعكس تبتلش بالامراض |
رد: استفسار علوم الناقه يابومحمد؟؟؟ انا ضد اي فتامين خارج عن الطبيعه الفتمينات توخذ من الطعام في وجهت نظري |
رد: استفسار ترى بعض الفيتامينات اذا كثرت الناقه منها تنقلب ضدها والفيتامين اذا صار واجد على الناقه يتحول لللسم انتبهوا والشي ذا معروف احتمال انها تكون شربت من الماء اللي به فيتامين واجد او شي بس اكيد انه من كثر فيتامين اي قيتامين مصنع هج عنه لو بلاش |
رد: استفسار مرحبا يالربع الناقه عسى الله يخلف علينا وعلى كل مسلم وراحت جعلها فاديتن روس اهلها والاتهامات دارة على الفيتامينات وذلحين كانها خفت شوي منها التهمه والوكاد ماعادنا بمعطينها اياها |
رد: استفسار كل عام وانت بألف خير والله يعوض عليك باطيب منها والبل فاديه اهلها يابو محمد |
رد: استفسار الله يعوض عليك بأطيب منها والبل فاديه اهلها |
رد: استفسار يفداكم اللاش والله المعطي |
رد: استفسار يالدوسري الله يفك عوقها ولا عليك امر عطنا اسم الدواء اصور الدواء ونزل صورته لجتنابه وش صناعته جعل القوم تاكله |
رد: استفسار ارحب ياابو غانم ماادري وش اسمه ولاعندي له صوره جعله الذهاب لاكن الجديد يااخوان اليوم الصبح جاتني حاله ثانيه الله يكفينا والمسلمين الشر لاكن اعراضها غير عن الاوله شوي اللي هي مافيه نفضه بس الناقه تمشي واترنح اتضارب يديها ورجيلها في بعض وكانها بتطيح |
| الساعة الآن 59 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |