|
اهل الابل يالنشآمآآ...!! السلام عليكم ورحمة الله وبركاته.":وشهركم مبارك وتقبل الله منا ومنكم صالح الاعمآل:"... موضوعي سلمكم الله ..... هو ان فحل الابل اصابه ضلع في رجله اليمنى ولااعلم هل هو في الخف ام في الورك وله الان اربعة اشهر لم يتغير فيه اي شي واعرآضه. .*انه اذا قام من المبرك لايكاد ان يطا على رجله الا بمشقهٌ شديده ثم اذا مشى خطوات تحسن * ولكن تلاحظ الضلع فيه علما انه يزيد اذا سرح مع الابل .. وقد قمت بتفتيش خف البعير ولم الاحظ فيه شي .. البعض قال انه متحفى والبعض قال انه عصب في الورك.. ":^والله اعلم^:" # الرجاء افادتي بخلاصة تجاربكمً والله لايحرمكمً الاجر والثواب# .. |
رد: اهل الابل يالنشآمآآ...!! ياطويل العمر حصلت لرجال اعرفه ماياطا على يده وبعير طيييب طيييب وباعه مقصب ب 2000 الله لايخسر مسلم وعلمت به واحد راعي هجن كان يسولف عن بعير عنده بنفس الموضوع قال امره سهل حلبه وتمر لقم شهر ونص وانا اعطيها بعيري وعنه طيب وبخير الشاهد من الكلام الحلبه والتمر مفيده له في هالحاله |
رد: اهل الابل يالنشآمآآ...!! الله العالم ان اللي في بعيرك ثفن وكيه مطرق مسايرة الثفنه من الداخل بالاضافه الى عرقاتين على مفصل الثفنه وحدة من داخل والثانيه من برا لكن دور للرجال اللي يعرف يكوي وان شاء الله يطيب بعيرك |
رد: اهل الابل يالنشآمآآ...!! وعليكم السلام ياياسر كان ماعرفت العله البينه باالبعير لاتغامر وانا اخوك في اي علاج خل الدكتور البيطري يشوف البعير وبعد الله سبحانه عنده الحل واتمنى لك التوفيق والسداد |
رد: اهل الابل يالنشآمآآ...!! ماقصرتم وبيض الله وجيهكم... والحقيقه نود انً نسمع تعليقِ من الاخ القدير المتألق ... في هذا المنتدى الشامخُ "محمد الوهبي التميمي".... |
رد: اهل الابل يالنشآمآآ...!! يا أخ ياسر فتش خف البعير ... فربما واطي على نار أو مسمار . هذا أولا وإن ماحصلت فيه شي قص ظهر البعير فقرة فقرة فأغلب الظن إنه من ظهر البعير فيمكن تحصل فقرة زالة وهذا علاجه سلمك الله امسح الفقرة واكوه بمرقاع . لكن إن طلعت المشكلة من الظهر فهو بيطب فترة وثم يرجع . الله يعينك يا أخ ياسر ولايريك مكروه في حلالك أنت و الجميع . ... وننتظر رأي محمد التميمي فهو استاذنا بلا شك . |
| الساعة الآن 11 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |