|
يالربع البكرة مواخم و مورم رقبتها ونحرها الحل؟؟؟؟ السلام عليكم ورحمة الله وبركاته يخوان عندي بكرة لقيه غاليه حيل ودايمن مواخم وتلحس الحديد وتشمشم القاع وتلحس المضله والحديد وتوقف على طرف الشبك وتقدم ايد وترجع ايد المهم البكرة لما تمشي ترخي راسها واجد ورقبتها وفيها تقول مستوجعه من رقبتها من تحت او نحرها وفيها مثل النفاخ في رقبتها من تحت والبكرة ماهيب وكاله ما تاكل زين واذا غيرت لها الاكل تعافه المهم جننتني وقومتها ثقيله لا قامت كنها مقيدة احترت فيها يا ليت تفيدونا جزاكم الله خير وفيها اذا اضهرتها من شبكها تحب التمرغ ما تمشي تقعد تمرغ على طول وتتسدح بالعلم اني عطيتها مضادات التهاب ومضادات جيوية واكياس حقت وريم وابرة هيام وابرة جرب ولا خليت فيها شي |
رد: يالربع البكرة مواخم و مورم رقبتها ونحرها الحل؟؟؟؟ الله يشفي بكرتك وترجع سالمه وتشوف انتاجها ان شاءالله كم لها على هذا حال وذا جت تمشي ركز في مشيها هي مشيها زين ومتوازن ولا لا بيفيدونك الإخوان ان شاءالله |
رد: يالربع البكرة مواخم و مورم رقبتها ونحرها الحل؟؟؟؟ ماتشوف شر بمشئة الله لأكن السؤال دمنها وش شكله ؟ تجضع عل جنوبها لابركت؟ لي عوده للموضوع |
رد: يالربع البكرة مواخم و مورم رقبتها ونحرها الحل؟؟؟؟ يابو محمد مساك الله بالخير اول شي اغسل الناقه بالجاره غسيل كامل والورم اذا كانه في نحرها شقه شق خفيف بالموس وحاول تضغط على الورم بيدك الى حد مايخرج الدم والصديد وبعدها اخذ مقاس يدك ملح ساسا المطحون واصبغه على مكان الشق وانشاالله تحصلها اليوم الثاني بخير وعافيه واهم شي اكثر من الجاره نسئل الله ان يعافيه ويبارك لك فيها وهذا رقم جوالي 0506725146 ارجو الدعاء لي جزاك الله خير |
رد: يالربع البكرة مواخم و مورم رقبتها ونحرها الحل؟؟؟؟ الأخ عبدالعزيز الورم اللي في ارقبتها خراج ولا وشو والتسدح ( التضجع ) يكون داخل شبكها ولا لا فكيتها بس وبأنتظار الرد على استفسار الاخ محمد التميمي ملاحظة : تصوير الحاله يخدم موضوعك |
رد: يالربع البكرة مواخم و مورم رقبتها ونحرها الحل؟؟؟؟ والله العالم يااخي مرض يسماعندالبدو ابوجريجير وماله علاج حسب علمي |
رد: يالربع البكرة مواخم و مورم رقبتها ونحرها الحل؟؟؟؟ 1) غير مراح البل اوعقم المراح اذا ماتقدر تغيره 2) اعزل البكره عن البل وشبكها لحالها وابعدها لا تشمشمها البل مهم جدا جدا 3) حصن البل بابرة الهيام اسال الله ان يشفيها ويباركلك فيهاولكن حسب وصفك لن تعيش والله على كل شئ قدير |
رد: يالربع البكرة مواخم و مورم رقبتها ونحرها الحل؟؟؟؟ ارحب يبو سعود الله لا يهينك على المرور البكرة مشيها متوازن ارحب يالتميمي اشكر لك تفاعلك معي البكرة من ناحية الدمن زين لكن البكرة لها 5 ايام وهي ذارق ما وقف بطنها وريحه مهوب زين والبكرة لاا ضهرتها من شبكها قامت تتمرغ على جنوبها تقل مضايقها شي في بطنها ارحب ي نايف ورمها مهوب صديد كنها قاسي شوي لحم يعني وكبير مقدر اشقه وبدايته كانه ضربة من الشبك ولا زالت رها شهر والله اني احترت فيها بالعلم اني دهنت بفكس وبونمر وجارة وملح وكركم ماخليت شي ارحب ي بندر مهوب واجد التضجع لكن لا ضهرت تمرغت وتسدحت ماتبي تقوم وورمها نفاخ في الجسم كله وذراق لها 5ايام مهوب خراج اول كانها الورم منطقه وحده وتالحين زادللجسم ارحب ي راشد وش ابوجريجر ممكن توضح لي اياه واعراضه ولاهنت ارحب ي يزيد طيب ليه وش المرض هذا وش اسمه وهل هو معدي لاهنت الله لايهينكم جميعا |
رد: يالربع البكرة مواخم و مورم رقبتها ونحرها الحل؟؟؟؟ يالربع البكرة لها خمسة ايام ورمت نفاخ في الجسم في اعلى الرقبه والنحر والرجلين والمفاصل وذراق مايوقف وريحه مهوب زين ولكنها تاكل والحمدلله ورخاوة فالمشي وش السواه |
رد: يالربع البكرة مواخم و مورم رقبتها ونحرها الحل؟؟؟؟ بسم الله الرحمن الرحيم الله يعوضك فيها هذا والعالم الله انه مرض ( ابو حلاحل) ليس له علاج |
رد: يالربع البكرة مواخم و مورم رقبتها ونحرها الحل؟؟؟؟ اعزلها فوراً ولاتقرب البل اللي فيها السلاق وهذي اخر مراحل مرض الهيام والله اعلم ولم يذكر له علاج الا بعلم الله اجدد عل الجميع استخدام مضادات الدود بشكل دوري للوقايه من أمراض الدم |
رد: يالربع البكرة مواخم و مورم رقبتها ونحرها الحل؟؟؟؟ هلا ي فهد وش بوحلاحل ابي توضيح هلا يا محمد انا الحين احترت البكرة توها تلقي صغيره سن ولها عندي سنه وزود وسمين ودايم تنعطى ادويه دود يعني معتنا فيها ماضن انه هيام وابر الهيام كل 6شهور ماعتقد هيام ياليت توضيح اعراض كل مرض ذكرتوه وبالذات الهيام وبوجريجر وبو حلاحل ووش احسن شي اعطيه اياها في هالحاله مضادات حبوب دود ولا ايش افيدزنا جزاكم الله خير |
رد: يالربع البكرة مواخم و مورم رقبتها ونحرها الحل؟؟؟؟ بسم الله الرحمن الرحيم ابوحلاحل مرض يصيب الابل تسرطن خلايا الدم اعراضه انتفخات في نحر الناقه اشد من انتفاخات الهيام وتسلب الجلد خاصه جلد الديد لدى المطيه ( كئن الناقه مقروصه) هذا والله اعلم |
رد: يالربع البكرة مواخم و مورم رقبتها ونحرها الحل؟؟؟؟ يا اخوان وش تقصدون بكلمه الجاره ياريت توضحون لي جزاكم الله |
| الساعة الآن 36 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |