خلف بن هذال (سود البكار المكرمات المنايح)
 

[poet font="Simplified Arabic,4,blue,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
أخذت من روحي لروحي نصايح=ثلاث يرضن النفوس الضياقي
جمع الحطب ومعلقات الذبايح=وحذف النشاما للغتر والطواقي
بقفرٍ خلا عشبه بالأزهار فايح=غصن الخزاما له بالآخر مراقي
تلقى أم سالم به تجر النوايح=يطيب مع طير الربيع التلاقي
بين أربعة جدران مانيب طايح=قطع الخرايم جبّرت عظم ساقي
في نون عيني بارق الوسم لايح=كن السحاب تسل فيها السناقي
إن عوّدوا غب المطر للفلايح=مانيب فلاحٍ يعدّل سواقي
عوّدت للي يكسبن المدايح=فيهن طرب قلبي ولذة مذاقي
سود البكار المكرمات المنايح=هاذي ضوت خلفة والأخرى ملاقي
ملحاً تباهت بالصميل يتمايح=تركي على كبد الحسود العراقي
خلوني أقضي باقي العمر سايح=مادام للعمر المطرّف بواقي
أمشي تحت غر المزون الروايح=هذا هواي ورغبتي واشتياقي
يرتاح بالي يوم أودّه وأصايح=وأبسط فراشي في مبارك نياقي
أنحاش عن ناسٍ تسوي الفضايح=عاشت بسوء أخلاق كذب ونفاقي
ناسٍ تسرّد للمشاكل شرايح=تثير من بين الأخوان الشقاقي
كل الحياة أحلام والعمر رايح=طرقي بها الدنيا وغيري طراقي
[/poet]

خلوني أقضي باقي العمـر سايـح مـادام للعمـر المطـرّف بواقـي
يعطيك العافيه يا خالد السبيعي
وصح لسان خلف بن هذال

يا مرحبا بك يا فايز

كل الشكر لتواصلك

ودمت بخير

أخوك

هلا بك يا ماجد

وأبو هذال بالطبع غني التعريف

دمت بخير

[poet font="Simplified Arabic,4,blue,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
أخذت من روحي لروحي نصايح=ثلاث يرضن النفوس الضياقي
جمع الحطب ومعلقات الذبايح=وحذف النشاما للغتر والطواقي
بقفرٍ خلا عشبه بالأزهار فايح=غصن الخزاما له بالآخر مراقي
[/poet]

يا والله انه صدوق ابو هذال

صح لسانه والله يمد في عمره على الطاعه

خالد

الله يبيض وجهك ولايهينك

هلا يا مبارك

ابو هذال من عمالقة الشعر باستحقاق

وانت من عمالقة هذا الموقع باستحقاق

دمت بخير والله لا يهينك على المرور

يا مرحبا بالغالي جاسم

مرورك شرف طال عمرك

دمت بخير وتقبل خالص الود

أخوك

هلا بالاخت العبيه

يسعد مساكِ أختي الكريمة

وشكرا لكرم الحضور والتعليق

دمتِ بخير

وتقبلي أطيب تحية

أخوكِ

خلوني أقضي باقي العمـر سايـح مـادام للعمـر المطـرّف بواقـي
يعطيك العافيه يا خالد السبيعي
وصح لسان خلف بن هذال,,,,

يعطيك العافيه يا خالد السبيعي
وصح لسان خلف بن هذال,,,,