![]() |
الفزعه ياهل الخبره السلام عليكم ورحمة الله وبركاته عندي بعير فيه نفخ قبل زوره من يمين ومن يسار نبي فزعت ياهل الخبره وسلامتكم |
رد: الفزعه ياهل الخبره على حد علمي انه مهيوم فيه هيام فيه ابره عند البيطري ماترا باس |
رد: الفزعه ياهل الخبره عطه إبرة هيام فرنسيه علبتها صغيره قيمتها ٨٠ ريال تقريبا احتياط عطه مامنها اي ضرر ارجو اني اصبت |
رد: الفزعه ياهل الخبره انتبه لايكون ... سقي ّ .. والبعض يسميه ابو دبه اذا كان تورم ونفاخ في نحر البعير وفي زوره ورقبته فهذا ما ذكرت لك ولا له علاج وتراه معدي ولكن انشاء الله ما يكون , ويمكن يكون نافخ عايدي ولا هيام وهذا دعواه سهله مثل ماقلو لك الربع وماقصرو سوااالم |
رد: الفزعه ياهل الخبره عطه ابره الهيام الفرنسية واصبر اسبوعين واذا ما تحسن جرب معاه ابره الهيام الهنديه دقها بالبراد لانها حاره ورش عليه ماء وان شاء الله ماعليه خلاف |
رد: الفزعه ياهل الخبره اخي بندر هل ابرة الهيام الفرنسية تختلف عن الهندية |
رد: الفزعه ياهل الخبره مشكورين ما قصرتو بالنسبه الاخ ناف الابره الهنديه والفرنسيه كلها ابرة هيام بس الفرنسيه في الحم وزينه ما منها اي خطر اما الهنديه في الجلد والصراحه انا ما انصح فيها لانها العام عطيتها البعير حاره ويطلع منه زبد ويتقلب على جنبه اليوم كله ما رجع لحالته الطبيعيه الا فليل اما الفرنسيه ما تغير من حالته شي افضل بكثير منها وشكرا |
رد: الفزعه ياهل الخبره اقتباس:
هلا يا نايف اسف على التأخيروماقصر الاخ فهيد نعم تختلف الفرنسية بارده ومالها اثار جانبيه وسعرها تقريباً 85 ريال الهنديه حاره جدا ولها اثار جانبيه مثل تزبد المطيه وارتفاع درجه حرارتها وسقوطها على الارض احياناً من شده الالم وقيمتها 25 ريال ولكن حسب ما سمعت ان الهندية اقوى مفعول |
رد: الفزعه ياهل الخبره |
الساعة الآن 29 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |