|
طلب مشوره في قعود ونبي حل لطبعه السلام عليكم ورحمة الله وبركاته اخواني انا احب اطرح عليكم مشكله تواجه احد الاصدقاء طلب مني طرحها لكم هنا لعله يجد حل عنده قعود وناوي يفحله ولكن القعود في طبعه متقلب في بعض الاحيان ما ازين من طبعه الورع يفكه ويسوقه ويربطه مافي مشكله وبعض الاحيان تلقاء خاطره شين واذا جاه العامل او احد يحاول يختله ويبي يعضه واذا جاء يادبه ويضربه ماعليه من الضرب لاينحاش ولا يصد ولا شي إلا يعطيك نحره وكانه يتجهز لشي او يتحين الفرصه عليك لاحد يقول خربو طبعه احد ذل منه وبعدها تمادى عليهم القعود لا القعود من يومه حوار وهذا طبعه عنيد وابوه من قبله عنيد بس يمكن هو بزود كم مره جاه ناب البعير من يومه حوار والحين لقي تقريباً ولا عليه من الهروش يعطيهم راسه والاوادم مره يزين خاطره معهم ومره يتغير طبعه عليهم وش الحلول معه القعود طيب ويفحل وساسه طيب هل في طريقه يقدر يجربها معه او يغير طبعه فيها الرجال بيتابع الردود ومشكورين مقدماً |
رد: طلب مشوره في قعود ونبي حل لطبعه وعليكم السلام ورحمة الله والله النشبه من هالقعوووود .. الله العالم ماهو متغير طبعه مادام العدوى جايته من أبوه . كان الله في عونه .. بس وصه يقيده ويهجره ويبطي فيه القيد والهجار اذن الله يهديه |
رد: طلب مشوره في قعود ونبي حل لطبعه العرق اقوى من التطبيع بس انا اقول عطه خبز ولهسه علية لعلة ينفع |
رد: طلب مشوره في قعود ونبي حل لطبعه مرحبا يا عبدالمحسن احسن حل الخطام |
رد: طلب مشوره في قعود ونبي حل لطبعه ارحب ياعبدالمحسن القعود ذا مزاجي الحذر منه اول شي لايجيه الا راعيه ولاجاه يعطيه خبز ثاني شي اذا شاف القعود متغير لايقربه ولايفكه شرع البعير مايدري بالضرب لقالو فلان بعير والله يعينه عليه |
رد: طلب مشوره في قعود ونبي حل لطبعه خل راعيه يحطله رسن ويخلي العمال يعطونه خبز كل شوي والله يعينهم عليه |
رد: طلب مشوره في قعود ونبي حل لطبعه احسن حل بعه بأول سومه مالك ومال وجع الراس (القعود من سنع راعيه) |
رد: طلب مشوره في قعود ونبي حل لطبعه احسن حل ... القيد وقصره مرره له ولا تفكه .. وطقه في اشبك ولا تظرب القعود وبعدين يتطير منكم وهجار ... ولا تطلعه مرره مدة سبوعين ... وخل القيد كل شوي يفك له شوي .. عشان مايحجز الدم عن يده ... هذي وجة نظري الخاصه تمنى تفع معك .. |
رد: طلب مشوره في قعود ونبي حل لطبعه مالك حل الا انك تعسف البعير وتخليه طوع البدو اول كل فحولهم يعسفونها |
رد: طلب مشوره في قعود ونبي حل لطبعه حله عندي يابوغنام ابشريه منكم وفككم شره:mwalat41: العلم وسلامتك يابو غنام نفس قعودك عندي وهي طيش القايا تنتهي مع اول ضراب له والعصا لابد انها تناوش خشم القعود مع الطلعه والدخله والامر طبيعي جداً من واقع تجربه بخصوص ان ابوه عنيد ويجذب حيرانه فانا مااربط هالقاعده تماماً والله يبارك لراعيه في الانتاج الفاخر تقبل مروري |
رد: طلب مشوره في قعود ونبي حل لطبعه السلام عليكم ورحمه الله وبركاته عندنا قعود مثل ماتفضلت عنيد ويعطيك نحره واذا تبي تربطه يحاول يعضك خذها قاعده اذا القعود ماخاف منك تراه ماعليه من احد لازم القعود يخاف منك طريقتي علمني عليها الوالد الله يطول بعمره هات حبل واربطه حول رقبه القعود وخل الحبل تحت الراس على مفرق الراس من الرقبه واخنقه على الشبك او بعمود بس لازم تنتبه للحبل الحبل يكون فيه تشد وترخي على شان مايموت البعير الى متشوفه يطلع لسانه ويدمن اهرار ويرغي اذا رغى خلاص اعرف انه استسلم والله بعدها والله بس انه بالصوت اني اطلعه من وسط الابل على رجلي وادخله الشبك بدون عصا واربطه وانه حتى ماينزل راسه القعود جذع والتطبيع وهو لقي بس القياد لازم مايفارقه و نفس الطريقه سويناها مع فحلنا الهرش اول ماشريناه وهو جذع وسلك هذي طريقتي بتطبيع القعود |
رد: طلب مشوره في قعود ونبي حل لطبعه اشكر جميع الاخوه الي ادلو برأيه وننتظر رآي بقية الاخوان وتجاربهم وسلامي عليك ياراعي الحل |
رد: طلب مشوره في قعود ونبي حل لطبعه يامرحباا حياك الله اخوي عبدالمحسن كان عندي هرش مثل طبعه عليك بالهجار والقيد والخبز كل ما جيته عطه خبز فالروحه وفالجيه ويباا الله يهديه انشاء الله تقبل مروري |
رد: طلب مشوره في قعود ونبي حل لطبعه اما انا مؤيد كلام محمد التميمي طيش قعود اذا اضرب يطيح نص الي في راسه, ويتغير طبعه ويكون كل همه الاضراب. ومؤيد لراي عادل الضويحي انك تخليه يخاف منك وبعدها يصير خاتم فصبعك واتمنا من الله التوفيق لكم بالفحل والله يبارك لكم فيه ويرزقكم منه بالانتاج الفاخر |
رد: طلب مشوره في قعود ونبي حل لطبعه رفع الموضوع حسب طلب صاحبه لرغبته برآي من لديه مزيد من الخبره والتجربه |
| الساعة الآن 14 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |