|
يالربع البعير ما يا كل له يومين يالربع البعير له يومين لا يتضحى ولا يتعشى ويرفع راسه ويوطيه بستمرار ولاحظ حلقه مورم عطيته ابره مضاد ولا فاد ايش الحل والا احد مر عليه ذا المرض |
رد: يالربع البعير ما يا كل له يومين اعطه زيت زيتون قدر غرشه م ام ريال واعطه خبز مغمس في زيت الزيتون يمكن انه غاص بشي وعقبها شف لك بصير خله يشوفه |
رد: يالربع البعير ما يا كل له يومين هاذ عندنا نسميه سوار والضاهر ان له علاج بالبيطري لاكن اذا ما لقيت علاجه الكوي |
رد: يالربع البعير ما يا كل له يومين بعد التحية تأكد من هدارة البعير ممكن تكون ملتهبه |
رد: يالربع البعير ما يا كل له يومين الاعراض مهيب واضحه ياماجد ومتشابها لامراض واجد ولاكن يبدو ان في حلق البعير شي اما خراج او الهداره او مرض الغصه فاتمنى تصوير البعير فديو وعرضه للجميع وانا متاكد ان التشخيص بيكون واضح بالفديو |
رد: يالربع البعير ما يا كل له يومين الله لا يهينكم والفديوا بنزله اليوم |
رد: يالربع البعير ما يا كل له يومين مرحبا ياماجد هذي مواري اللهاه ناشب فيها عود او ماشابه والتاخر ليس في مصلحتك جب دكتور مشهود له في منطقتكم لفحصه . |
رد: يالربع البعير ما يا كل له يومين اخوي مرت علي حاله في بعيري نفس اعراضك هذي .. بس جربت تجربتين في نفس الوقت .. وبصراحه ما ادري اي وحده هيه ياللي كان لها سبب بعد فضل الله سبحانه الاولى قريت له عن العين واسقيته وسبحته بالماي والملح .. لان البعير كانت كثير عالم حاطه العين عليه .. والثانيه ابره اسمها FATROMYCINE R6 جرعه وحده نفس ابره اليام تكفي من 4 ابار مضاد حيوي وهيه قويه جدا ولا تاثر في المطيه لو جربتها والله يشفي حلالك .. وعلى فكره .. نفس الوصف قالي الدكتور هذا البعير عنده التهاب حاد في الحنجره .. ولدرجه انه من ياكل اي شي .. تحس بانه غص .. ويتم يسعل يبي يطلع ياللي في بطنه لا يقدر حتى يجتر بسببها .. وطول الوقت نايخ مكانه |
رد: يالربع البعير ما يا كل له يومين مساكم بالخير جميع اليوم خطمت البعير وهز راسه وطلعت لهات البعير ما فيها شي المشكله في حلقة والمشكله الثانيه لهات البعير ما ارجعت في حلقه ولا زالت خارج الى الان بكره مواعد بيطري يطلع يشوفها وذا لزم الامر قطعنا اللهاه والله يكتب الي فيه خير |
رد: يالربع البعير ما يا كل له يومين يا ماجد يكثر الحكي ويقل والزبده اخذ كلام اللي جات في فحله وما خلا ولاطب ما جربه حتى الكوي اللين عرفنا علته في الاخير ونفس اعراض بعيرك ما ياكل ولا يشرب الا جغمه ولا جغمتين وطول اليوم يرفع راسه وينزله وحلقه منتفخ مهوب نفخ مرض منتفخ من جرته ما تعود هذا سلمك الله مرض اسمه المسيكه تجي في حنجرة البعير وتسببله هالاعراض وعلاجها عند هل البل اللي يعرفون هالمرض وهو ان الطبيب يقوم بمسك حلق البعير بيده ويكسرها وطلقة عقال من بعدها واذا ابطت ما حد كسرها تعضّم ويصعب كسرها وللمعلوميه اذا طاحت في يد طبيب تسمع صوت كسرتها يومنها تطق في يد الرجال انشد هل البل الاطبا اللي يعرفون للمسيكه وجبهم للبعير والا اشحنه في دينه الهم يكسرونها وهو في موتره ما نزل وسلآمتك |
رد: يالربع البعير ما يا كل له يومين نعم يانايف البرقاوي بس حن نسميه صوار ونكسره ونكويه ربابه والي مايعرفله لايكسره لان واحد تطبب على الفحل ومات |
رد: يالربع البعير ما يا كل له يومين الله لايهينكم جميع وبيض الله وجيهكم اليوم الصباح جبت دكتور بيطري ومنج البعير وقطع الهاه ونشاء الله انه بخير عطاني مضاد ابرتين يوميا لمدة يومين والله يكتب الي فيه خير |
رد: يالربع البعير ما يا كل له يومين الله يسلمه وتشوف اهل الشبوك حولك ذا الزمان |
رد: يالربع البعير ما يا كل له يومين استعجلت ياماجد الله يهديك لهآة البعير تقطع اذا كان يتجمع فيها الطعام وعلى كلامك الهاه مافيها شي عموما سبق السيف العذل وان شاء الله انه بيطيب بس علمنا بعلومه اول باول تحياتي |
رد: يالربع البعير ما يا كل له يومين الله يمسيكم بالخير جميع البعير ابشركم بخير ولله الحمد والشكر اكله شوار مع حليب الابل سطل الصبح والعصر مثله والحمد لله بخير وشكر كل من شارك بالموضوع والمشكله فعلا من الهاه كانت ملتهبه وهو ونزال والحمد لله اولا واخيرا |
| الساعة الآن 58 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |