|
وش علاج السهال السلام عليكم ورحمة الله وبركاته يالربع عندي حواره عمرها تقريباً 6 شهور صابها القرع والخشام والسهال ورحت البيطري وعطاني ابرتين ترموسين وابرة جرب قال لي الترموسين 8 سم لحم وابرة الجرب 6 سم من تحت الجلد واليوم الثاني لاحظت ان الاسهال صار مثل الماء وانتم بكرامه ولونه لون البرسيم انتظرت كم يوم ولاتغير الحال وجبت دكتور ثاني وطقها ابرتين وحده يقول عن السهال اللي هو سلفا مركزه والثانيه شامل عن النحاز وقال لي بعد يومين نطقها مره ثانيه مع العلم ان الجرعه اللي عطاها البكره 10 سم من كل نوع وقال لي لازم تقطع البرسيم عندها مادام معها سهال الخشام اختفى بفضل الله بس باقي البكره فيها حشرجه في حلقها واسمع مثل صوت البلغم وتاخذ وتكح لكن الكحه بسيطه جدا يمكن مره او مرتين باليوم المهم السهال وانتم بكرامه ماوقف ولاتغير شي وبعد يومين رجع الدكتور وظربها ابرتين كل ابره 12 سم وحده شامل عن النحاز والثانيه سلفه مركزه على حد قوله وعطاها 12 سم في الفم من كل نوع وطقها ابرة جرب 4 سم تحت الجلد وقال يومين والبكره تكون طيبه والبكره بعد هالابر الاخيره تعبت وشان خاطرها ومقامها اقشر والسهال مثل ماهو خصوصا اذا قربت منها ترغي وترفع ذيلها وتسهل وانتم بكرامه واول ماتشرب الماء تسهل بعد وهالسهال مثل المويه بس لونه من لون العلف واذا طردتها مع اول خطوتين يطلع منها سهال وهي لها يومين من يوم طقيناها بالابر الاخيره واكلها ماهوب زين ولاهوب شين يعني وسط وشربها للماء طبيعي هذي كل السالفه مع العلم ان السهال له الان اكثر من 15 يوم اللي يعرف لها علاج يبلغني فيه والله يجزاكم الف خير |
رد: وش علاج السهال وعليكم السلام ورحمة الله علاج السهال وانا أخوك قمنتين رقم 312 خمسه ملي بالفم لمدة اربع ايام http://t1.gstatic.com/images?q=tbn:A...9rll9JqeosTN1g وحده بوحده .. أسألني مجربه والله ما مثله أخذه من الصيدلية البشرية بـ 45 ريال |
رد: وش علاج السهال اخوي حوران السلام عليكم حصل مع حيران عندي ثنتين وعطيتهن ابرة مغص معوي وبودره تعوض نقص الاملاح من سبب الاسهال واعطيتهن الضغاط حق السهال ومنعتهن من الحليب واعطينه شق واحد قبل النوم ووقفت البرسيم منهن واليوم اللهم لك الحمد والشكر وقف منهن السهال ورجع وضعهن طبيعي ولله الحمد والشكر اتمنى بان اكون افتك بالموضع. وبنزل لك اسم الادويه لاحقا |
رد: وش علاج السهال الادويه حقت البيطريه هي اللي ضاعفت السهال لان الجرعات زايده لاتعطيها اي علاج إضافي هالاسبوع وتابع حالتها عن قرب بنسبه للقرع أعزله بقعته عن الهواء بالفازلين الخشام بداية النحاز ومع الإبر انتهى مثل ماهو واضح وان شاء الله حالها يكون طيب اليومين القادمه ولي متابعه للموضوع تقبل مروري |
رد: وش علاج السهال ياحوران مساك الله بالخير انا كان عندي حواره ماخليت علاج ماجربته معها جاها ذراق شهر كامل عيا يوقف ولا نفع معها إلا ابره اسمها افتريل حول ذا الاسم الكرتون حقها لونه وردي عطها اربع ايام او خمس ايام وسأل الدكتور وبيعلمك كم تعطيها منه والله يعافيه |
رد: وش علاج السهال اسم الدواء 1- finadyne 2-septoryl lnjectable الاول للمغص المعوي والثاني مضاد حيوي |
رد: وش علاج السهال انكانت حيران ضعاف لاتدقها تعقرها الابر قويه وان دقيتها قلل الجرعه ولا شل الابره وحطه بفمه والبودره زينه للاسهال |
رد: وش علاج السهال اقتباس:
وبيّض الله وجهك يالأمير لاهنت والله يعافيك |
رد: وش علاج السهال اقتباس:
هلابك يالخالدي والله يجمّل حالك ويعطيك العافيه وأنتظر منك إسم الأدويه لاهنت يالذيب |
رد: وش علاج السهال اقتباس:
وانا والله اني كنت شاك في الأدويه لأن حالة البكره زادت سوء بعد الابر الاخيره لاهنت يالامير ومتابعتك دليل على طيب اصلك |
رد: وش علاج السهال اقتباس:
وبيّض الله وجهك يالذيب لاهنت وجمّل الله حالك |
رد: وش علاج السهال اقتباس:
|
رد: وش علاج السهال اقتباس:
وبيّض الله وجهك يالذيب |
رد: وش علاج السهال اسمع وانا اخوك علاج الاسهال مجربه انا وسهل جب شاي ربيع ورق واطبخه بماء صحه لين يصير لونه اسود ويغلي كم مره ثم خله يبرد واسقه البكره حتى لواتحقنه بحلقها مقدار ماءصحه صغير ابو ريال الصباح وفي المساء عطها مقدار نصف كيلو تمر ناشف ليونته خفيفه لمدة ثلاث ايام الصباح شاي والمساء تمر وخفف البرسيم واخلط معه تبن والله يشفيها 00 ورد لي خبر بعد اليوم الثاني |
رد: وش علاج السهال أخوي حوران ماتشوف شر ومن تحب المبروكة علاجها بأذن الله بريالين ونص كالتالي ( علبة حليب سايل + 2بياله سكر) أخلطهن بماء وحطهن بالفريز والا بالثلاجة أهم شي تكون باردة جداا وأقر فيها سورة الحمد 7 مرات وغر عطية الله وأن شاء الله وحدة بوحدة |
| الساعة الآن 03 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |