|
الناقة ضعيف وبتموووت السلام عليكم ورحمة الله وبركاته مساكم الله بالخير عندي ناقة ثنو خلفة وضعيفة من يومها جذعة يزود حالها شوي لا القحت واذا ولدت الله لا يوريكم تغدي كنها ذلول مضمرة وعطيتها قبل اسبوع ابرة هيام هندية بين الجلد واللحم وابرة جرب كندية اللي تجي 100 ملم غطاها بلاستيك شفااف وعطيتها حبوب دود اللي يجي لونها اخضر وقرطاسها لونه اسود ولاها الحين ما فاد فيها ما غير جلد وعظم وهي علفها مع امهاتها 9 خلفات اعطيها 2 كيس شعير ربطة برسيم وربطة تبن ومرات مخلوط ومرات ذرة واشكلها في الحشااايش اللي معها بخير وشحم وحليب وعبسها تشمه من بعيد وهي شوفتها شوفة المواته وش الحل يالربع ان بعتها ما جابت قيمة وان خليتها ماتت عطووونا الراااااي |
رد: الناقة ضعيف وبتموووت افحص دمها وتظهر لك العله عسى الله يشفيها من علتها ويبارك لك فيها |
رد: الناقة ضعيف وبتموووت ارحب ياماجد ويعل حلاك بالف خير شلون اكلها؟ وش شكل دمنها؟ ولابركة هل تجضع على جنوبها؟ الامراض تتشابه ياماجد والوصف الدقيق يجيب نتائج افضل فالتشخيص |
رد: الناقة ضعيف وبتموووت يا مرحبا يالتميمي الناقة طال عمرك اكلها ضعيف بالحيل ودمنها دمن حاااشي وكاني اشوف عيونها تدمع ومبركها زين ما تجضع على جنوبها ولبنها ما يملا الفنجال ووبرتها خشنة وما تنبت من يوم عرفتها صيف وشتاء |
رد: الناقة ضعيف وبتموووت الناقه. مصطوحه يمكن انها مطروده او او شي علاجه مطرق من قدام الديد الى سر الناقه و مربع على السر بس الصيخ صغير علشان ما تشوه الناقه وعطها علبتين. زيت سمسم يلين بطنها. شوي وسلامتك. |
رد: الناقة ضعيف وبتموووت أخوي محمد صبحك الله بالخير حوج لها ال 7 الحوايج حلبه وثلاث فصوص ثوم وحبة سوداء وشام ( يشبه الفلفل الاسود بس لونه اخضر ) ورشاد ويانسون من كل نوع بياله شاهي مع بر القصيم بدون كيماوي تعطيها ثلاث لقم في اليوم بحيث تكون اللقمه كبر لقمة الرجال تحياتي وتقديري |
رد: الناقة ضعيف وبتموووت الحل الاسلم وانا اخوك اسحب عينه من دمها وحللها |
رد: الناقة ضعيف وبتموووت ما دام اكلها ضعيف افتح فمها وفتشه من الهدب ( الحمام ) وعيد ابره الهيام الفرنسية وابره الجرب الدكتوماكس الزرقاء بعد اسبوعين وغسلها بالجره بالبراد واعزل الناقه عن البل خلها في شبك والعلف ناقع قدامها ولا تنسى الفيتامينات الى تخلط مع الماء وحوارها بالوقت الحالي كانه طيب ضيره على ناقه وكانه عادي اعزله واحلبله وغرز امه وأن شاء الله ما عليها باس |
رد: الناقة ضعيف وبتموووت اكوها عن السطح واذا حولك مشاريع برسيم اوتبن ردلي |
| الساعة الآن 23 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |