رايكم في القعود
 

بسم الله الرحمن الرحيم ..


السلام عليكم ورحمة الله وبركاته



اليوم رحت صورت القعود وحبيت اعرف اذا يصلح فحل او لأ ..

http://im21.gulfup.com/2012-06-22/1340364075691.jpg

http://im21.gulfup.com/2012-06-22/1340364075542.jpg

http://im21.gulfup.com/2012-06-22/134036407623.jpg

عمره سنتين و6 شهور والله العالم

رد: رايكم في القعود
 

اررحب ياسالم
لابالله مايصلح فحل
الله يرزقك بابرك منه

رد: رايكم في القعود
 

مايصلح فحل

ولا يبغى مشوره

رد: رايكم في القعود
 

مايصلح فحل نهائياً

والسبب مافيه شي من الزين او يميل لزين

وذا تبي تهده في سواحل مالي خبره فيها

تقبل رأي بصدر وسيع

رد: رايكم في القعود
 

يصلـح فحل يالمسعـودي .
للبل اللي هو منهاا ,
لونه زين .. وعظمه جبر .. وصنفه مرغوب ..
ومن اطيب قعدان الحمر اللي في صنفه ,

رد: رايكم في القعود
 

مرحبا يالمسعودي من استشارك دخل في ذمتك والقعود مايهده خايف الله فحل في ابله كل مامنه ردي القعود قصير والرقبه رديه والوجه ردي واللون مخالطه السواد وش بقى بعد اللهم اني بلغت اللهم فاشهد .

رد: رايكم في القعود
 

مايصلح فحل للاسباب التاليه:
1-خشمه ادقاق
2-مشاربه مهاب ضافيه
3-رقبيته عنجا وجلاله وغيره....

رد: رايكم في القعود
 

بيض الله وجيهكم جميعآ ..

وما قصرتوآ ..

واكيد اتقبل ارائكم بصدر رحب ..

الله يبارك لكم بحلالكم وجزاكم الله كل خير


وان شاء الله اصور لكم القعود الثاني

رد: رايكم في القعود
 

ارحب يالمسعودي
القعود سواحلي
اسأل اهل الابل السواحليه وهم بيفيدونك اذا يصلح او لا
والله يرزقك

رد: رايكم في القعود
 

اسأل اهل السواحلية وبيفيدونك
ولا قصور في الباقي

رد: رايكم في القعود
 

خالد السديري

فهد الصميلي

جزاكم الله خير وما قصرتوآ ..

رد: رايكم في القعود
 

عطاك الراي ذيبان

ما شاء الله عليه

اذا ابدا الراي فلا تعداه

رد: رايكم في القعود
 

عبدالرحمن .. بيض الله وجهك ووجه مشعل ..

بدون قصور بالجميع بس انا ماخذ براي مشعل

لان الاخوه ابدو رأيهم بالزين بس .. ما تطرقوآ لأمور اخرى تخل بفحوليته والله العالم ..

هذا الي استنتجته واذا فيه شي علمونا به

وبيض الله وجيهكم ولا فيكم قصور بارك الله فيكم

رد: رايكم في القعود
 

رد: رايكم في القعود
 

السؤال شطر الاجابه
والله يبارك لك ويمنحك منه
واراء الشباب دليل محبه واخلاص كل حسب منضوره بمن فيهم الاخ عبدالرحمن والاخ مشعل ولو اعيدت صياغت السؤال لكي توضح اي نوع من الفحول تريد لكانت الا جابات اكثر دقه والفائده اكبر لنا جميعا
وتقبل مروري كاخ وصديق.