الفحل غريبان وإنتاجه.............؟
 

السلام عليكم ورحمة الله وبركاته

مساكم الله بكل خير وعافية

الفحل غريبان من سلالة الفحل غريبان بعير السكيني وقد باعه بـ 6 ملايين ريال

وقد اشتراه الوالد من جابر السكيني بـ 20 ألف ريال وسنه مفرود والان سنه ثني ويسام بـ 400 ألف ريال

واترككم مع صوره للفحل مع بعض أنتاجه من ملك الوالد وابي أشوف رايكم في إنتاجه

...[IMG][/IMG]

الفحل غريبان

http://www.mzayan.com/vb/images/uplo...3181d619f2.jpg


الإنتاج

البكره بشاير

http://www.mzayan.com/vb/images/uplo...319574556c.jpg


البكرة شهيب

http://www.mzayan.com/vb/images/uplo...319ee38b01.jpg


القعود عكروشان


http://www.mzayan.com/vb/images/uplo...31a965dcce.jpg


انتظر ردودكم

مع التحية والسلام

ابو

عبدالله

اخوى فرحان مبروك الفحل
بس والله 400 الف لو بايعه احسلك البعير لو عندي ما اهده راسة صغير وظهرة اقشر
وبناتة سنامهن متوسط ومقدمهن اقشر اتقو الله يا اخوان
ترانا نعرف البل والله البعير هذا واجد عليه 4 الاف ريال وانتاج شين
ترى ابتلاء الاعلاف منكم

لا حول ولا قوة الا بالله

اخوي انت متأكد انها 400 الف

اخوي فرحان

السلام عليكم

الله يبارك لكم في حلالك

لكن وانا اخوك البعير عادي وانتاجه عادي ولا فيه شي يميزه

لكن ما اقول الا :nothing:

الاخ فرحان عبدالله

اولا الله يبارك لك في حلالك

ثانيا اذا بتقول لاحد من الاعضاء انه اخر من يتكلم لاتطلب الراي من احد

ثالثا اذا ماعندك استعداد تستقبل الاراء بصدر رحب ريح بالك ولا تطلب راي احد لانك اذا طلبت الراي بتسمع اللي يصلح لك واللي مايصلح

رابعا انت طلبت الراي في الانتاج وانا ودي اعطيك رايي واخاف تقول خل المجاهيم لاهلها
لكن باقول لك حلوا بالاذاني مافيها كلام ولو ان الروس صغار

بسم الله الرحمن الرحيم

اطلب من الاداره شطب الموضوع او شطب كلام الاخ فرحان

الاخوه الاعزاء
تحيه طيبه الرجاء من الجميع الهدو وعدم التجريح لمن يكتب في هذا المنتدى الرائع والحقيقه لاتجرح أحد وهذا هو خلق الله ولكن طلب الراي جميل أن يكون بعقل وبعيدآ عن المجاملات حيث الامانه مطلب الجميع 0
ومن ناحيتي أنا البعير لايستحق هذا المبلغ إطلاقآ مهما كان وأنتاجه عادي جدآ حيث روسها صغار جدآ ولافيها مايميزها إلا الاذان تعتبر في فيئة المجاهيم جميله 0
ويجب عليك يابوعبدالله أن تستمع للراي بكل هدو وعقلانيه 0

صلو على النبي يالربع

الله يبارك لك في حلالك

وين أخونا الغالي المشرف مبارك المري عشان يحذف الموضوع مثل الموضوع السابق

يا اخ فرحان

انا ماني من اهل المجاهيم ولا اقدر اتكلم بشي انا ما اعرفه
وما عندي راي انت رايك في راسك ان عارضوك قلت اخر من يتكلم

ما اتنقص من قدر احد انت كلانا اخوان

وانت طقيت الباب وجاك الجواب من الناس

وإّذا تبي رايي بقول رايي فيك .
انت ردوك على الناس مالها داعي ولا المفروض تزعل من ردهم
والمفروض اترد بأسلوب ارقي كلمت انت اخر من يتكلم
وجملتك لي .........................ماكان لهم .
ونقدر نرد عليك بأسلوبك ولاكن نكسبك بالطيب افضل من ان نخسرك .

وحياك الله بينا

بسم الله الرحمن الرحيم
اولا:
انت طلبت الراي واستحمل الرد
وحاول ان يكون ردك يعكس شخصيتك الطيبة

وارجو من الاخوان الذين ابدوا رأيهم ان يكون الرأي بذكر معايير الجمال
والصفات اللي خلت المطيه او الفحل شيفتها ماهيب على الكيف
بدون امتهانها اوتكذيب صاحب الحلال

ثانيا :
انت يا اخ فرحان تصويرك لم يكن جيدا
كيف تاخذ الصورة من تحت هذا النوع من التصوير ما يبين وجه المطيه عدل
فلا تلوم الشباب ان ما عجبهم

ثالثا:
انتاج البعير هو اللي يحدد قيمته
الحيران مميزتها الاذاني(( ما شاء الله عليها))
وباقيها زين الا ان وجيهها و حجم راسها تشره عليها
والسنام متقلط

وانا متاكد لو تحسن التصوير بتبين مواريها الطيبة
لكن ترى توها حيران وبتكبر وتزين باذن اللي خلقها سبحانه

الاخوان فرحان والعازمي

ارجو ان تكون الانتقادات بعيده عن التجريح.

الله يهديكم

أرحب يابو عبدالله وأرحبوا يالإخوان جميع


فيه مثل عندنا يقول من إستشارك دخل معك في الذمّة والله يبريها من الخلق أجمعين


رأيي في الفحل وإنتاجه خير مانقول مبروك 0 وأستلم الرأي بالتفصيل


الفحل جرمه حضب غاربه ماهوب منتل عيزه أطول من غاربه ولو وزنا سنامه على سرته جاموخر سنامه على السره

نعفته حلوه جداً 0 المشرب ضافي والرأس صغيّر 0 الرقبه ورقه وحلوه 0 عراقيبه ماهيب هزع ويظهر لي أنه ماهوب أفجح حسب الصوره وهذا بحد ذاته عيب 0


إنتاجه الإذن حلوه جداً والوجيه ذاهنه والروس صغار والزين عادي وجميع الصور تظهر إن إنتاجه هضع المقاديم ولا هيب سناد 0 ؟


أما القيمة فلم تطلب منا رأي هل هو يستاهلها أم لا وعندها أتوقف عن إبداي رأيي في القيمة


وكل له نظر يقديه وهذا نظري


تحياتي لكم جميع