|
وش الراي يالعواريف بسم الله الرحمن الرحيم الاخوه الاعضاء السلام عليكم ورحمة الله وبركاته الكل منا يااهل المجاهيم يعرف الفحل المشهور (مهيبيلان) ابن الويبد اللي عند محمد ابن سعد ال مقبل ابو الفحل مهيبلان ال جلمود وقد وصل سومه الا اسعار عاليه ( مليون ونص) عندي عليه قعود سنه حق يوم انه حوار غير شكل ماداج مع العربان مثله يعني مزيون وكل ماجينا الابل لقينا رجال في الشبك واذ سرح لحقوه في المفلاء مع العلم ان امه فاطر ولا هي برديه وبطنها نضيف ومن ابل ال فهيده مير القعود يوم انه انفرد تغير وشان شكله ولا ودك تعاين فيه هلحين وكل من سالني عنه من البدوان وين القعود ولد مهيبيلان اللي كان عندكم وشافوه قالو مهو هذا ويشرون علي ابيعه وبعضهم يقولون جوده لاتبيعه اذا ماتغير وزان بتشوف الزين بنتاجه انشالله مع العلم يوم انه حوار فيه زين ماجاء يمكن عندعند راعيه قعدان مثله والحين يالاخوان ابغي رايكم هل تعرفون احد قط مر عليه قعود كان زين وحين كبر شان وزان انتاجه او رد على زينه لان هل الابل الاولين يقولون الزين لو شان يرجع زين |
رد: وش الراي يالعواريف تمسك فيه وانا اخوووووك بيدينك وسنونك ، ولا تفكه . |
رد: وش الراي يالعواريف مرحبا يابو فايز والاولين ماخلوا لتالين شي وقالوا الولد والقعود مخلفين العهود الزين يشين والشين يزين بالفعل والشكل وانا اقول لا تستعجل ولوك حطيت صورته كان ازين . |
رد: وش الراي يالعواريف السلام عليكم انا صاير لي مثلك عندي قعود يوم انه حوار صوره من زينه و هو ولد متينان ال درعه يوم صار مفرود شان راسه و لا عمره زين و اظن انه رايح ل امه |
رد: وش الراي يالعواريف ابشر بخيييييير .. ان الله اراد ليطلع مطلاع السعد , القعود له نظره وهو حوار . وله نظره لقي . وقعودك بيظهر مظهار السعد اما سهيل الجاي او سهيل اللي بعده باذن الله والعلم عند الله كان ذا ساسه ومغراسه من ابوه وامه من ابلن مقيمه ومعروفه باصالتها , ويوم هو حوار فايت وعايز على كلامك فلاتخااااااف . ومثل قول ابو بندر . لاتفرط به . والبركه اولاً واخيراً من الله سبحانه وتعالى . ولو تعرض صورته كان افدناك اكثر . |
رد: وش الراي يالعواريف الاخ طلال الروقي الاخ محمدبن عدوه الاخ سلطان الروق الاخ مشعل البرقاوي الله لايهينكم على تعليقاتكم ونصايحكم والله اني نويت بيعته الا شي بسيط لولا الله اخير ثم استشاراتكم نبى نصبر عليه وليامنه استعد خليناه ياخذ له في الابل جولتين ونشوف اشكركم بعنف |
رد: وش الراي يالعواريف جوووووووووووووووووووووووود ولاتفرررررررررررررررررررط وان قاله الله اذا لاقا ليبان زينه واحرص على اول ضرايبه لاتعرضه الا فاطر والا حولها واخذه حقها فالزين وعندها والله انك باذن الله لتسجل سراواته وتذكر كلامي ان الله احيانا |
رد: وش الراي يالعواريف اعرض صورته الله ايبارك فيه |
| الساعة الآن 44 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |