|
تكفوووووووووووون ألحقوا على الناقه السلام عليكم ورحمة الله وبركاته يا أخوان عندي ناقه من 15 يوم لاحظت عليه فالبداية أن أكله قليل وتبرك .. وظنيت انه مغتثه وعطيناه محاليل وبعض الادويه ثم ترادت حالته بحيث ان اكله قّل بزياده جرتها ضعفت وبطنه انتفخ وصارت تدور البراد , وتبرك بجنب الحوض , هذا ف الاسبوع الاول اما الاسبوع الثاني ذرقت الناقه ( الله يكرمكم ) لمدة اربعة ايام بشكل متقطع جبت له أطباء , وسوو لها فحص وعطونا علاجات له ( مضادات , وخافض حراراه ,وكثيره ! ) لكن الناقة تزين يوم وتترادى اليوم الثاني الخلاصه انه ف الاربع ايام الاخيره صارت ماتخرج وماتشيل الجره ابداً وأكله شبهه معدوم وبطنه منتفخ بالحيل واذا عطيناه محلول او اي شيء تطرش , وبطنه يرج كأنه راوية ماء .. وآخر دكتور قال لي احتمال فيها سدد علماً ان امس سويت له تحليل دم وقالوا ان الناقة الكلى عنده تعبانه صراحةً يا اخوان انا مححححححححتاار .. أبي الرأي والشور وأن الناقة مابعد ثوت , تسرح وتضوي مع الأبل تكفوووووووووووون يا التميمي , والمنصوري ولايهونون باقي الربع .. |
رد: تكفوووووووووووون ألحقوا على الناقه الأخ عبدالعزيز أسأل الله ان لا يخسر عليك ويشفيها ان شاء الله أحتمال كبير ان الناقه ما كله كيس بلاستيك او سلك رودس جرب معاها في الوقت الراهن زيت الزيتون غرها به ومدام ان كلاها تعبانه شفلك رجال خبير يكويها وفتش فم الناقه من الهدب وما عليها خلاف ان شاء الله |
رد: تكفوووووووووووون ألحقوا على الناقه شكراً أخوي بندر على أهتمامك وحرصك وسوف أجرب زيت الزيتون او زيت السمسم لكن المشكلة اذا عطيناها اي شيء بالفم علطول تطرش اما سلك الرودس مستبعد لاننا مانستخدم الرودس ابداً والناقه ترعى بالبر |
رد: تكفوووووووووووون ألحقوا على الناقه الأخ عبدالعزيز أسأل الله ان لا يخسر عليك ويشفيها ان شاء الله أحتمال كبير ان الناقه معها جرح مقدم شف خبير في اللكي خله يكويها مطرقين متحاوله اخر واصغر ضلع من اليمين وعسى الله مايخسر على مسلم |
رد: تكفوووووووووووون ألحقوا على الناقه الاخ عبدالعزيز بعد التحية اللي في الناقة هيام وصعب علاجة والله يعوضك فيها خير منها لكن اذا جاء هذا النوع من الهيام في المطية في بداية مرضها عطها الخليجية عبوتين كاملتين مرة وحدة |
رد: تكفوووووووووووون ألحقوا على الناقه الاخ فيصل والأخ حمد شكرا على تفاعلكم الاخ فيصل وش تقصد بالجرح المقدم ... اذا كان تقصد جرح قديم ما شفت فيها شىء الاخ حمد ... موضوع الهيام انا شكيت فيها العام وعطيته فرنسية وصراحة الناقه الحين خلفه والعروق الاثنين اللي يغذن الديد فيهن انتفاخ حتي وهي القحه وهذا اللي خلان اشك بالهيام اولا ... لكن كيف ماظهر في تحليل الدم ....... ما استغني عن شوركم |
رد: تكفوووووووووووون ألحقوا على الناقه ارحب ياعبدالعزيز واسف على التاخير اللي فالناقه مهوب هيام ولا له علاقه بامراض الدم لها كيه مشط في مخفق الكلوه وكذالك مطرقين قدم صفن الناقه وبلحق الموضوع رسم توضيحي لاماكن الكي لي عوده بمشئة الله تقبل مروري |
رد: تكفوووووووووووون ألحقوا على الناقه 1 مرفق اعتذر من صاحب الناقه على استخدام الصوره لتوضيح مكان الكي http://www.mzayan.com/vb/attachment....8&d=1338218641 اتمنى ان الرسم التوضيحي واضح لك ياعبدالعزيز توكل على الله واكوها او شف لك خبير كوي ولايتعدى الرسم التوضيحي وبشرنا عن علومها الايام القادمه تقبل مروري |
رد: تكفوووووووووووون ألحقوا على الناقه تم كي الناقة حسب تعليمات الاخ محمد التميمي وانتظر النتايج وعسى الله يجعله سبب مبارك واشكر الاخوه على التفاعل |
رد: تكفوووووووووووون ألحقوا على الناقه افادوك الاخوان عسى الله مايخسر كل مسلم والله يشافيها ويبارك لك فيها |
رد: تكفوووووووووووون ألحقوا على الناقه الاخ عبدالعزيز بعد التحية سبق وجاءت عندي ولم اجد لها علاج وتعبت من العلاجات وبشرنا عن الكوي مع العلم بأني اخبرتك والدليل أن الناقة بيهر بطنها ولا يوقف |
رد: تكفوووووووووووون ألحقوا على الناقه الناقة ياخوان تفداكم والله يعوضنا خير ررررررررررر واشكر كل الاخوان على تفاعلهم وفزعتهم................ واخص الاخ محمد التميمي الذي بذل معي جهدا في المنتدى وفي التواصل بالجوال والشكر موصول للاخ بندر الرواي الذي تواصل معي على الخاص ......... ولا يهنون بقية الاخوان ...... والحمدلله اولا وآخرااااا |
رد: تكفوووووووووووون ألحقوا على الناقه معوض خير ياعبدالعزيز والله يعوضك ياطيب منها |
رد: تكفوووووووووووون ألحقوا على الناقه ربي يعوضك اخير عنها .. بس ليتك طلبت لها تشريح من الدكتور يخبرك وش علمها الناقه على شان بعيد الشر تاخذ الحيطه والحذر في الايام القادمه والله يخلف عليك بخير .. والله لا يبلاك ولا يبلا مسلم بهالمرض |
رد: تكفوووووووووووون ألحقوا على الناقه الاخ عبدالعزيز بعد التحية الله يعوضك خير منها |
| الساعة الآن 30 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |