|
من نشدنا قال مامر علي . اللي عنده حل لايبخل مرحبا بالجميع .... والله يعطيكم العافيه .... انا عندي قعود لقي في بدايه شهر 3 /2012 ظهر في خفه الايمن مثل النفخ وظنيت انها هرشه وتبين في النهايه انها ناجمه ولاكن مالها راس . وباشرتها بالقريز الاسود من الصيدليه وبدل ان يظهر لها راس طلعت وحده ثانيه في خف الرجل اليمني وبعدها بويمين طلعت وحده كبيره في الجنب االايسر كامل وامتدت الى فوق الكتف وبعد عده ايام ظهرت وحده اخري فوق الزور و في الركبه اليمنى ( اي فوق الاولي ) وبعدها وحده فوق الثفنه . واصابه مع النواجم ( الجرح ) وكانت حالته حرجه وكواه واحد على الجرح وتعافى الا ان النواجم لاتزال موجوده وحالته يرثى لها واكله ضعيف جدا . ولا ادري كيف الطريقة . فقلت في نهايه الامر مالي بعد الله سبحانه وتعالى الا ارائكم ومقترحاتكم . فتكفون يا النشاما القعود طيب وسومه غالي وتغير حاله وشان وتحسه عاجز على طول في المشي والبراك ووجهه شين على طول . نبغي نصيحتكم جزاكم الله خير . اخوك / راشد المري ت. قطر /0097455611661 ت.سعودي / 0501503023 __________________ |
رد: من نشدنا قال مامر علي . اللي عنده حل لايبخل عالجه بزيت زيتون مقري فيه واسقه مويه زمزم مقري فيها والله يقود الرجا فيه |
رد: من نشدنا قال مامر علي . اللي عنده حل لايبخل غريبه هالحاله . والله يفك عوقـه .. ويبهج خاطرك بسلامتـه إنه القادر على كل شيء ومليكه .. أخي الكريم : أغلب الظـن أن قعـود ( معيـون ) صايبه عيــن .. كانك تشك فاحدً من الربع وتمون عليـه خلّه يبخّـه .. وكانك ماترجح احد .. ولاتظن في احد وبعض الظن اثم . فأنصحك ترقيـه بالرقياء الشرعيه كما قال الأخ ناشي .. وتسقيه على ( المحـو ) .. وتغسلـه ( بماء الســـــدر ) .. اخذ ورق السدر من العطار ونقعه في ماء وغسله به . والقعود ليه ماعرضت حالتـه على اخصائي بيطري تثق فيـه .. أو نقلته للجامعه على وجه السرعـه ..؟ لازم تفعل الاسباااب .. والله يكتب النجاه له بإذن الله تعالى .. تمنياتي بالتوفيق |
رد: من نشدنا قال مامر علي . اللي عنده حل لايبخل ياراشد وانا أخووووووك قعودك ماله الا الرقية الشرعية بأذن الله مابه الا العافية عقبها |
رد: من نشدنا قال مامر علي . اللي عنده حل لايبخل حياك الله اخوي راشد اسال الله العظيم رب العرش الكريم ان يفك عوق بعيرك بالنسبة لحالتك فعلا غريبه ومرت علي فناقه غاليه عندي وعرضت الموضوع على الاخوه اللاعضاء وما قصروا بشور عليك شور جيب بيطري خله ياخذ عينه من دمه وده للمختبر وبوصيك تدور على حرمل وتنقعه باليل بالماء وتغسله به الصبح وبتشوف خير انشاء الله |
رد: من نشدنا قال مامر علي . اللي عنده حل لايبخل الحاله غريبة وأضم صوتي لما قالوه الاخوان ( عين ) |
رد: من نشدنا قال مامر علي . اللي عنده حل لايبخل يا مرحبا ياراشد هاذي الحالة مرت على واحد من الجيران بناقة عندة وعلاجها ونا اعرف اعلاجة بس لاتاكيد ارجو الاتصال نتاكد هي مثل ناقة رفيقي ولا رجول الاتصال 0567266668 |
رد: من نشدنا قال مامر علي . اللي عنده حل لايبخل من علامات عيون المقرد فيه ياراشد لاتطبب فيه باي علاج او كوي عليك بفعل الاسباب واضم صوتي لاصوات الشباب اللي قبلي |
رد: من نشدنا قال مامر علي . اللي عنده حل لايبخل عني وخلها في الذمه ان كانها قد سيم باسوام عاليه مالك الى القرايه والماء المقري فيه سبحه وشربه به وبتشوف وقع القرايه فيه ان الله كاتبن لكم نصيب فيه وجعل حلال المسلم والرفيق في خير |
رد: من نشدنا قال مامر علي . اللي عنده حل لايبخل اشكر الاخوان على الردود الطيبة والتفاعل السريع وبيض الله وجيهكم . اما بخصوص التحاليل والادويه فاخذ منها مايكفي وبدون اي فائده او تغير في الحال . اما العين فاتفق عليها معظم الاخوان من خارج المنتدى وداخله . ولاكن السؤال وين الاقى اللي يرقيه جزاكم الله خير . وعسى الله يكتب اللي فيه خير وصالح للجميع . ولاهنتوا |
رد: من نشدنا قال مامر علي . اللي عنده حل لايبخل الله اعلم ان القعود مقروص والانتفاخات من الغدد لتأثرها من السموم عطه 10 فصوص ثوم يوميا قطعها صغار وحطها في قاروره ماء صغيره وخل القعود يغرها 7 ايام كل صبح والمساء حبة سوداء مقدار نصف فنجال مع حلبة مطحونه مقدار كاسة شاي اخلطها بماء وغرها القعود لمده سبعه ايام هذا اذا الاورام لم يظهر لها رأس متليف وينزف دم عند تحريكة واذا كانت الاورام متليفه لا تتعب نفسك بالعلاج وان شاء الله مايكون تليف ونسأل الله ان يشفي قعودك ويرزقك منه كل خير او يعوضك بخير منه |
رد: من نشدنا قال مامر علي . اللي عنده حل لايبخل اعرض الحاله على الدكتور هذا قد عالج عندي ناقه من نواجم وطابت واقطع عنه جميع الحبوب خله على البرسيم او الذره فقط اشرف/0509811784 |
رد: من نشدنا قال مامر علي . اللي عنده حل لايبخل يعني ذا العالم ماتذكر الله لاحول ولاقوة الا بالله أقرا عليه وعسى الله يعافيه |
رد: من نشدنا قال مامر علي . اللي عنده حل لايبخل الله لايقطع رجاك فيه يابو حمد ونسأل الله العلي العظيم ان يفرحك ويفرحنا بسلامة معيضان |
رد: من نشدنا قال مامر علي . اللي عنده حل لايبخل بعد التحية للجميع اول شي اقرأ على القعود وبعده عطه كل يوم رشاد سواء تخلطه مع العلف او تطرحه وتوكله اياة علشان تفقع الخراجات وفية كوية على العرق يوقف طلوع الخراجات والله يبارك لك في حلالك ولجميع المسلمين |
| الساعة الآن 57 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |