|
لعجوم تاكل وبرت بعض يربع عندي اعجوم من مفروده وحقه ولقيه حاجزها في شبك عن اماتها ماسرحا الا وقت العلف واردها شبكها لحالها وخاصتن قاعنا مفيه شي وشوف اشعفت البكار ماكوله يعني السنام ماله اشعره مع اني احطلها ملح دايم وش الحل ياهل العلاف لاهنتو |
رد: لعجوم تاكل وبرت بعض ابو سعد بعد التحية الوقت هذا تطيح وبرة الناقة فافضل شي الملح الازرق لتعويض الناقة عن الاملاح او انك تحلق وبره البكار اللي معها |
رد: لعجوم تاكل وبرت بعض مدحوا الفلفل الاحمر الباكستاني يخلط مع شوي ماء ويحط على ظهورها |
رد: لعجوم تاكل وبرت بعض لو انته تبيها دسمه على حسب تجربتي .. حط على ظهرهن ايل محروق .. يعني خذ لك اسفنجه .. وتم امسحه على وبرهن يا لين تصبغهن بالايل .. ومن بعدها شوف كيف تعفن هالعاده .. طريقه جربتها ونجحت ولا عاد تاكلن وبر بعض |
رد: لعجوم تاكل وبرت بعض رشها بالجاره مابين وقت ووقت مجربه من احد الاعضاء تقبل مروري |
رد: لعجوم تاكل وبرت بعض فيه علاج بسيط ومجربه انا اولا اعزل الناقه لحالها اخذ لك زيت عافيه قدر بياله الى بياله ونص وصبه في فمها ورح للبيطري واخذ لك ابره جرب الامريكيه الي علبتها زرقا وانشالله ماتشوف الا الي يسرك ونا مجرب العلاج والحمدلله الله يبارك لك بحلالك وماتشوف شر |
رد: لعجوم تاكل وبرت بعض ابوسعد خلها تسرح وانتهى الموضوع هذا من الحكره جرب وشوف |
رد: لعجوم تاكل وبرت بعض أغلب حلال قطر يوسي ذا السواه الله يرحمنا برحتمه :) وأنا بعد عندي نفس المعاناه .. ومالنا الا انجرب الطريقتين أول شي الفلفل << نذاله في الحشوان .. وعقبه الايل المحروق .. والله الشافي .. |
رد: لعجوم تاكل وبرت بعض يابو سعد مثل ماقالك محمد بن خميس الحشوان مشكلتها من الحكره الى فكيتها سجت منها |
رد: لعجوم تاكل وبرت بعض والله اذا لك قدره تلحفها كلها يكون احسن لانها وحده مطبعه الباقيه فاذا ابطت اكثر من اسبوعين راح تنسا هالعاده السيئه وبالتوفيق |
رد: لعجوم تاكل وبرت بعض هذا ياخوي نقص املاح في البل .. في علاج والله مدري وش اسمه بس هو بودره تحطها مع الشعير وهو يعوض الاملاح الناقصه ! وان حصل شراب الديدان في حوض البل .. للبل كلها ترى ماهي شينه ! وانتبه تحط جره على ظهورها .. لآنها سامه وبتذبح ابلك .. تقبل تحياتي .. عبدالله العتيبي ! |
رد: لعجوم تاكل وبرت بعض ابد مر البيطري وعنده بودره تحط مع العلف ويروح منها هالطبع انا مجربها العام ونجحت هذا سبته نقص الاملاح والمعادن والسبب عدم التنويع فالاعلاف والحكره عن المسراح |
| الساعة الآن 10 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |