|
خراج الفم يالربع شي يهول السلام عليكم ورحمة الله وبركاته اخواني قبل ثلاث ايام بالضبط عندي ذلول كبيره بالعمر فاطر طلع ورم بشق فمه الايسر وكنت احسبه ضرس وفتحت فمها وفتشتها ولقيته خراج بالجما من الداخل متجرح ومن الخارج متورم المهم خليته يومين وانفضخ وطلع مكانه خراج اسود واليوم اشوفه محفور الى شفته تقول مرمي بطلق محفور بالداخل المهم نوختها وفتحت فمها وتفأجأت انه جما الفم مفتوح يدخل اصبعك الصغير معه ويطلع مع الجنب من الفم شي يهول والله يارجال ماقد سمعت بهالمرض من قبل وانا والله محتار وش السواه ياجماعه اجيب بيطري يخيطها والا اتركه واخاف اذا خليته يدود ويتسرطن والناقه حالته زينه وتاكل ولابها خلاف وتجتر ولا لاحظت شي عليها طولت عليكم وارجو السموحه والفزعه من مرت عليه الحاله ذي |
رد: خراج الفم يالربع شي يهول شف البيطري هو اليي عنده العلم بعد الله وشف وش يقول منت بخسران ولو فيه احد مجرب اخذ رايه اخذ نصيحة مجرب ولا تأخذ طبيب |
رد: خراج الفم يالربع شي يهول ارحب يانادر ان شاء الله الموضوع سهل ولايحتاج لعلاج او اي نوع من انواع البنسلين وهذا سببه الخراج وهالمنطقه تنظف نفسها بنفسها انت بدورك تغسل المنطقه اللي فيها الخراج ( بالمر) لتطهير الجرح وخياطته بشكل يومي تقبل مروري |
رد: خراج الفم يالربع شي يهول انشالله ان امرها هين غسل محل الخراج بالماء والملح وعقبه عقمها المره كرارها المدة 3 ايام وانشالله بتشوف الي يسرك |
رد: خراج الفم يالربع شي يهول بيض الله وجيهكم يالنشاما والله انها غاليه على قلبي |
رد: خراج الفم يالربع شي يهول هذي تصير في البل وسليمة باذن الله خلها لاتسوي لها شي بدايتها عبارة عن بعض الجرة تدخل بين نهاية اللثة والشدوق ومع الوقت تلتهب الشدوق وتنفتح وتدخل الجرة في اللحم وتبين من الخارج على انها خراج وبعد ذلك تنفجر للخارج |
رد: خراج الفم يالربع شي يهول بيض الله وجهك يامبارك انت والاخوان ماقصرتوا |
رد: خراج الفم يالربع شي يهول الاخ نادر بعد التحية افضل علاج موية اكسجين مره في اليوم لان موية الاكسجين تسكر الجرح |
رد: خراج الفم يالربع شي يهول مثل ماقالوا الاخوان المره المطحونة وحده بوحده ولوعطيتها مع المره بنسلين 20 مل لمده 4 ايام ينفع ما يضر |
| الساعة الآن 20 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |